Жээнбеков: Россиядан вакцина алуу боюнча сүйлөшүүлөр жүрүп жатат

© Sputnik / AFK Sistema / Медиабанкка өтүүПроизводство вакцины от COVID-19 на фармацевтическом заводе "Биннофарм"
Производство вакцины от COVID-19 на фармацевтическом заводе Биннофарм - Sputnik Кыргызстан
Жазылуу
Өлкө башчы маегинде дүйнөдө COVID илдети дагы деле кооптуу бойдон калып жатканын, буга элдин баары күбө экенин белгиледи.

БИШКЕК, 12-сен. — Sputnik. Коронавирус илдетине каршы күрөшүү иш-чараларынын алкагында Россия менен Кыргызстандын тийиштүү органдары вакцинаны алып келүү боюнча сүйлөшүүлөрдү жүргүзүп жатышат. Бул тууралуу президент Сооронбай Жээнбеков "Биринчи радиого" берген маегинде билдирди.

Ал өз сөзүндө Россия дүйнөдө биринчи болуп коронавируска каршы вакцинаны иштеп чыгарганын, препарат клиникалык сыноолордон өткөнүн эске салды.

Коронавируска каршы "Спутник V" вакцинасы менен эми жөнөкөй элди эмдөө башталат

"Дүйнөдө COVID илдети дагы деле кооптуу бойдон калууда. Муну элибиз да, баарыбыз тең көрүп жатабыз. Россия дүйнөдө биринчи болуп коронавируска каршы вакцинаны иштеп чыгарды. Клиникалык сыноолордон өттү деп маалымат берип, вакцинаны колдонууга киргизишти. Жакынкы убакытта вакцина массалык түрдө чыгарылат деп ишенем. Биз үчүн да вакцинаны өлкөгө алып келүү абдан маанилүү. Бул боюнча эки өлкөнүн тийиштүү органдары сүйлөшүүлөрдү жүргүзүп жатышат", — деди Жээнбеков.

Эскерте кетсек, учурда Кыргызстанда коронавирус жуктуруп алгандардын саны 44 828 болсо, анын 40 779у айыгып чыкты. Пандемия жарыялангандан бери илдеттен 1 063 кыргызстандык каза тапты.

Жаңылыктар түрмөгү
0