БИШКЕК, 18-авг. — Sputnik. Канаданын коомдук саламаттык агенттигинин жана Манитобск университетинин адистери кандай кездемеден тигилген кийим коронавирус инфекциясынан коргой турганын аныктап чыгышты. Иликтөөнүн жыйынтыгы medRxiv порталына жарыяланды.
Окумуштуулар түрдүү материалдан тигилген жеке коргонуу каражаттарында коронавирустун туруктуулугун иликтөөгө алышкан.
Окумуштуулар алсыроону коронавируска мүнөздүү эмес симптом дешти
Вирусту пахта кездемесине, медициналык нитрил кол кабына, химиялык жактан бекемделип жасалган кол кап жана N-95 жана N-100 респираторлоруна, желимден, дат баспас болоттон жасалган буюмдарга коюп, үч жума бою байкоо жүргүзүшкөн. Жыйынтыгында вирустун күчү бир суткага жетпеген убакытта таза пахта кездемесинен тигилген кийимде жок болгон.
"Эгерде пахтадан жасалган кийим шкафка илинген болсо, бир суткадан кийин кандайдыр бир деңгээлде анда коронавирус инфекциясы жок деп эсептөөгө болот", — деп айтылат окумуштуулардын иликтөөсүндө.
Алар ошондой эле пахта кездемесинен тигилген бет капты колдонуу да бир кыйла коопсуз деген жыйынтыкка келишкен.
Окумуштуулар түрдүү кездемеден жасалган материалдарды изилдөөгө алуу менен учурда вирус кандай шартта жайылып, кандай шартта бат жок болуп кетерин билүү зарыл экенин белгилешти.
