Калкты тейлөө борборуна эми телефон аркылуу кезекке туруп коюуга болот

© Sputnik / Валерий Мельников / Медиабанкка өтүүКиши смартфонду кармап турат. Архив
Киши смартфонду кармап турат. Архив - Sputnik Кыргызстан
Жазылуу
Мамлекеттик тейлөө кызматы белгилегендей, жаңы кызмат элдин кезегин азайтканга жана убакытты үнөмдөгөнгө жардам берет.

БИШКЕК, 13-июл. — Sputnik. Кыргызстандыктар Калкты тейлөө борборлоруна барууда кезекке алдын ала турса болорун Мамлекеттик каттоо кызматы билдирди.

Бул үчүн жарандар Earlyone мобилдик платформасын колдоно алары айтылды.

Долбоор алгачкы жолу 13-июлдан тарта Ауэзов 1/5 дарегиндеги №4 Калкты тейлөө борборунда иштеп баштады. Кызматты пайдалануу үчүн Play Market же App Store интернет дүкөндөрүнөн Earlyone тиркемесин жүктөп алуу керек.

Төмөнкү аракеттерди көрүү шарт:

  • Биринчи кезекте "өлкө" деген бөлүмдөн Кыргызстанды басып, андан кийин сизге ыңгайлуу тилди тандаңыз (орус же кыргыз);
  • Экрандан сиз бара турган Калкты тейлөө борборун, анын күнүн, убактысын жана кызматын тандаңыз;
  • Соңунда тиркеме электрондук кезек үчүн сырдык сөз түзөт.

Эгер адам белгиленген мезгилде келе албай калса, ал убакытты 15 мүнөткө жылдыра алат. КТБга келгенде электрондук кезекти тейлеген терминалга келип, тиркемеден алган кодду терүү керек. Андан кийин талон берилип, ошол аркылуу ишин бүткөрөт.

Кесиптик орто окуу жайларга онлайн тапшыруунун жол-жобосу айтылды

Мамлекеттик тейлөө кызматы белгилегендей, аталган кызмат кезекти азайтканга жана убакытты үнөмдөгөнгө жардам берет.

Долбоор толук түрдө бир жыл ичинде Армениядагы компаниялардын биринин техникалык колдоосу менен ишке ашырыла турганы кошумчаланды.

Жаңылыктар түрмөгү
0