БИШКЕК, 8-июл. — Sputnik. Бишкектеги бир катар соода борборлору COVID-19 менен пневмония тез жайылып жаткандыгына байланыштуу иштөө убактысын өзгөрттү.
Учурда мэриянын токтомуна ылайык, аталган жайлар саат 07.00дөн 19.00гө чейин иштеп жатат. Айрымдары ишкерлер менен сүйлөшүп, убактылуу карантинге жабылууда.
Эске салсак, бүгүнкү күндө борбор калаада 3,6 миң адам коронавирусту жугузуп алгандыгы тастыкталды.
"Унаа" ишканасынын аймактагы бөлүмдөрү карантинге жабылды
Sputnik Кыргызстан агенттиги ири соода жайлары жана көңүл ачуучу борборлордун администрациясы менен байланышып, кантип иштей тургандыгын билип көрдү.
"Дордой Плаза". Өз ишин 8-июлдан 19-июлга чейин токтотту. Мындай чечим ал жакта иштегендер менен ижарачылар тарабынан кабыл алынган. Ошол эле маалда гипермаркет, дарыкана жана банк иштей берет.
"Азия Молл". Соода борборунун 1-3-кабаттары белгисиз мөөнөткө жабылды. Биринчи кабаттагы дарыкана, гипермаркет, банктар 19.00гө чейин иштей берет.
"Айчүрөк" соода борбору. 9-июлдан баштап белгисиз убакытка чейин жабылат, бирок биринчи кабаты иштей берет. Анткени ижарага алган адамдар өз ишин уланта берүү ниетин билдирген. "Айчүрөк-2" соода борбору 4-июлдан 19-июлга чейин дезинфекцияга жабылган. Ал жакта дагы базар, банк, автоунаа жуучу жана токтотуучу жай ишин токтотпойт.
Профессор: узакка созулган жалпы карантин саламаттык сактоо тармагын талкалайт
"Чынар" соода борбору. Учурда иштеп жана ижарага алган ишкерлер менен сүйлөшүүлөр жүрүп жатат, тиешелүү чечим жакынкы күндөрү кабыл алынат. Соода борборунун администрациясы эгер эмгектенгендердин бир бөлүгү жумушун токтотсо, аларга карата айып салынбай тургандыгын белгиледи.
"Бишкек парк". Азырынча чечим кабыл алына элек. Аталган соода борбору мэриянын токтомунун негизинде иштөөдө.
"Редцентр". Иштөөнү токтотуу боюнча чечим кабыл алына элек.
"Весна" соода борбору. Биринчи жана экинчи кабаты 10-июлдан 20-июлга чейин жабылат. Биринчи кабаттагы банк, гипермаркет үзгүлтүксүз ишин улантат. Ал эми үчүнчү, төртүнчү кабатта кеңселер жайгашкан. Ал жактагы компаниялардын көпчүлүгү аралыктан иштөөгө өтүүдө.
"Бета Сторес-2". Азырынча чечим кабыл алына элек.
Бир катар чектөө кирген Бишкекте такси кандай иштей турганы айтылды
Башка ири соода борборлор менен байланышуу мүмкүн болгон жок, ошондой эле алар калаа тургундарын иштөө убактысындагы өзгөрүүлөр боюнча билдирүү тараткан эмес.
Кыргызстанда пандемиянын башталышы менен 8486 адам коронавирусту жуктуруп алып, 2983 адам айыгып, 112 бейтап каза болду. Андан сырткары, ооруканаларга пневмония менен көп жарандар кайрылууда. Март айынан бери ал илдеттен 268 адам кайтыш болду.
Өлкө аймагындагы соңку кабарлар менен биздин Telegram-каналдан таанышыңыздар.
