Эрежени сактаса болот экен. Коменданттык саатты бузгандар 100гө жеткен жок

© Фото / пресс-служба мэрии города ОшЖолдо бараткан ИИМ автоунаасы
Жолдо бараткан ИИМ автоунаасы - Sputnik Кыргызстан
Жазылуу
Белгилей кетсек, коменданттык саатты кечээ 159 киши бузса, андан мурдагы күнү 117 киши эрежени сактаган эмес. Негизи тартип киргизилген алгачкы күндөрү аны 200дөн ашуун киши бузган. 

БИШКЕК, 5-апр. — Sputnik. 5-апрелге караган түнү Кыргызстандын өзгөчө абал киргизилген аймактарында коменданттык саатты 99 киши бузуп, башка күндөргө салыштырмалуу азыраак болду. Бир дагы автоунаа катталган жок. Бул туурасында Ички иштер министрлигинин маалымат кызматынан билдиришти.

Белгилей кетсек, коменданттык саатты кечээ 159 киши бузса, андан мурдагы күнү 117 киши эрежени сактаган эмес. Негизи жогорудагы тартип киргизилген алгачкы күндөрү аны 200дөн ашуун киши бузган.

Коменданттык сааттын негизинде Бишкек, Ош жана Жалал-Абад шаарлары, Ноокат, Кара-Суу жана Сузак райондорунда кечки саат сегизден эртең мененки саат жетиге чейин көчөдө жүрүүгө тыюу салынат.

  • Бишкек шаарында – 84;
  • Ош шаарында – 11;
  • Сузак районунда – 2;
  • Кара-Суу районунда – 2.

Жалал-Абад жана Ноокат районунда эч ким коменданттык сааттын тартибин бузган эмес.

Кармалгандар ички иштер органдарынын аймактык бөлүмүнө жеткирилип, түшүндүрүү иштери жүргүзүлгөн соң үйлөрүнө коё берилген.

Ал эми өзгөчө абал киргизилгенден, тагыраагы, 25-марттан тарта коменданттык саат эрежесин бузган 1866 адам кармалган.

ИИМ элге кайрылып, эреже бузуулар болсо, мыйзамдын негизинде жазасын аларын билдирди.

Жаңылыктар түрмөгү
0