Кыргызстанга коронавирустан улам 7 өлкөнүн жарандары кире албайт. Жаңы документ

© © Фото / пресс-служба правительства/ Алишер АлиевЧет өлкөдөн келген жүргүнчүлөрдү текшерүү. Архив
Чет өлкөдөн келген жүргүнчүлөрдү текшерүү. Архив - Sputnik Кыргызстан
Жазылуу
Буга чейин Саламаттыкты сактоо министрлиги коронавирустун пандемия деп жарыяланышынан улам өлкөлөрдү үч категорияга бөлгөн. 

БИШКЕК, 14-мар. — Sputnik. Бүгүн, 14-марттан тарта, коронавирус коркунучуна байланыштуу жети өлкөнүн жарандарына Кыргызстандын аймагына кирүүгө тыюу салынды. Бул тууралуу өкмөттүн сайтында айтылган.

Эске салсак, буга чейин Саламаттыкты сактоо министрлиги коронавирустун пандемия деп жарыяланышынан улам өлкөлөрдү үч категорияга кошумча критерийлер менен баалап бөлгөн. 

Учурда кеп биринчи категорияга кирген Кытай, Италия, Иран, Түштүк Корея, Франция, Германия жана Испаниянын жарандары тууралуу болуп жатат. Ошондой эле бул мамлекеттерден транзит менен келе жаткан жана акыркы 30 күн ичинде болгон чет өлкөлүк жарандардын Кыргызстанга киришине тыюу салынат.

Оорукана кызматкерлери. Архив - Sputnik Кыргызстан
Казакстанда алтынчы киши коронавирус жуктурганы аныкталды
Кыргызстандын жарандары милдеттүү түрдө медициналык мекемеден 14 күндүк карантинден өтүшөт.

Ал эми экинчи категорияга кирген өлкөдөн келген чет элдиктер эки аптага үй карантинине алынат. Булар: АКШ, Япония, Швеция, Швейцария, Улуу Британия, Бельгия жана Нидерланддар.

Үчүнчү категорияда Сингапур, Австрия, Дания, Кытайга караган Гонконг, Малайзия, Таиланд, Индия, Бахрейн, Австралия, Греция, Канада, Ирак, Бириккен Араб Эмирлиги, Кувейт, Ирак, Египет, Ливан, Катар, Сауд Аравиясы бар.

Чет элдиктер жана КР жарандары эгерде ушул өлкөлөрдөн транзит менен келсе, баштапкы текшерүүгө алынып, андан ары үйүнө коё берилет. Бирок Кыргызстандын аймагында ары-бери каттап жүрүүгө 14 күнгө чейин чектөө болот.

Жаңылыктар түрмөгү
0