Белгилүү бийчи Арстанбек Ирсалиев каза болду

© Sputnik / Виталий Тимкив / Медиабанкка өтүүЭстеликтеги гүлдөр. Архив
Эстеликтеги гүлдөр. Архив - Sputnik Кыргызстан
Жазылуу
Кыргыз Республикасынын эл артисти АКШда каза болгон. Ал жакта көптөн бери дарыланып жүргөн. Ирсалиев бир гана Кыргызстанда эмес, чет жакта дагы белгилүү болчу.

БИШКЕК, 6-окт. — Sputnik. 69 жаш курагында Кыргыз Республикасынын эл артисти, эл аралык конкурстардын жана сыйлыктардын лауреаты Арстанбек Ирсалиев каза болду. Бул тууралуу Кыргыз опера жана балет театрынын адабий-драмалык бөлүмүнүн башчысы Елена Мягкова билдирди.

"Ирсалиев 5-октябрда узакка созулган оорудан улам көз жумган. Буга чейин АКШда көптөн бери дарыланып жүргөн",  — деп айткан ал. 

Ирсалиев 1950-жылы 25-февралда Кара-Балта шаарында туулган. Ленинград мамлекеттик академиялык хореографиялык училищесин аяктаган. 1969-жылы Бүткүл союздук балет артисттеринин конкурсунда жеңүүчү болгон. Ошол эле жылы Кыргыз опера жана балет театрынын алдыңкы бийчиси аталган.

Ал "Ак куу көлү", "Уйкудагы сулуу", "Жизель", "Корсар", "Ромео менен Жульетта", "Лауренсия", "Франческа да Римини", "Бахчисарай фонтаны", "Шопениана", "Дон Кихот", "Спартак", "Баядерка" спектаклдеринде негизги каармандардын ролун  ойногон.

© Sputnik / Александр ФедоровАрстанбек Ирсалиев "Космонавтар көчөсү" тасмасында Сардардын ролун аткарган
Белгилүү бийчи Арстанбек Ирсалиев каза болду - Sputnik Кыргызстан
Арстанбек Ирсалиев "Космонавтар көчөсү" тасмасында Сардардын ролун аткарган

Мындан сырткары, "Анар", "Куйручук", "Асел", "Саманчынын жолу" жана башка спектаклдерде да кайталангыс образдарды жараткан.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Виджет news
Жаңылыктар түрмөгү
0