13:06 19 Теке 2019
Түз эфир
  • USD69.6500
  • EUR78.2796
  • RUB1.1086
Чолпон-Ата шаарынын жанындагы Бактуу-Долоноту айылындагы ат майдандын маңдайында болгон жол кырсыгы

Көргөндөр болсо, кайрылгыла! Депутаттын уулу катышкан кырсыкка күбө болгондор изделүүдө

© фото очевидца, отправленное по WhatsApp-каналу.
Коом
Кыскача шилтеме алуу
Депутаттын уулу катышкан Ысык-Көлдөгү жол кырсыгы (15)
187910

Жол кырсыгынан Lexus автоунаасынын айдоочусу менен жүргүнчүсү жеринде каза болуп, дагы эки киши ооруканадан жан берген.

БИШКЕК, 10-июл. — Sputnik. Укук коргоо органдары Чолпон-Ата шаарынын жанындагы Бактуу-Долоноту айылындагы ат майдандын маңдайында болгон жол кырсыктын күбөлөрүн издеп жатат. Бул тууралуу Жол кыймылы коопсуздугун камсыздоо боюнча башкы башкармалыктын маалымат кызматы билдирди.

Эске салсак, 7-июль күнү Чолпон-Атанын Бактуу-Долоноту айылында BMW X-7 үлгүсүндөгү автоунаа Lexus үлгүсүндөгү жеңил машина менен кагышкан. ЖКККББнын билдиришинче, кырсыктын кесепетинен Lexus автоунаасынын айдоочусу менен жүргүнчүсү окуя болгон жерден жан берсе, дагы экөө ооруканадан көз жумган. Автокырсыкка кабылган BMW автоунаасынын ичинде Жогорку Кеңештин депутаты Алиярбек Абжалиевдин баласы, Бишкек шаардык кеңешинин депутаты Темирлан Токобеков да болгон. Кырсыктан кийин тартылган видеодон жол тандабастын негизги номеринин алдында дагы бир номер бар экенин көрүүгө болот.

Ысык-Көл облустук ички иштер башкармалыгы эки автоунаа тең бир багытта бара жатканын жана Lexus жолдон бурулуп жатканда BMW X-7 келип сүзгөнүн билдирген болчу.

ЖКККББ жол кырсыгынын чоо-жайын тактоого жана ишти адилеттүү тергөө үчүн күбөлөрдү чакырат.

Эгер кырсык болгон учурду көргөн-билгендер болсо төмөнкү телефондор аркылуу кайрылышса болот.

  • ИИМдин ЖКККББсы – 0312-63-09-00, 0312-63-09-01;
  • Ысык-Көл облусунун ИИБи – 03922-5-45-05, 03922-5-45-50;
  • Ысык-Көл облусунун ИИБдин тергөө кызматы – 03922-5-15-55, 0312-29-40-10 жана 0705-75-59-88.
Тема:
Депутаттын уулу катышкан Ысык-Көлдөгү жол кырсыгы (15)

Тема боюнча

Депутат Абжалиевдин уулу аралашкан Чолпон-Атадагы кырсыктын видеосу
Депутаттын баласы катышкан автокырсыкта талкаланган Lexus менен BMW. Сүрөт
Белгилер:
Ысык-Көл облусу, күбө, жол кырсыгы, ЖКККББ

ЭҢ МААНИЛҮҮ