09:47 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Экс-министр здравоохранения КР Динара Сагинбаева

Экс-министр Сагинбаева үй камагына кантип чыкты. Расмий жооп

© Пресс-служба президента КР / Султан Досалиев
Коом
Кыскача шилтеме алуу
Батукаевдин ишинин жанданышы (47)
1202 0 0

Сагинбаеваны үй камагына чыгарууну Башкы прокуратура өтүнгөн.

БИШКЕК, 23-май — Sputnik. Азиз Батукаевдин иши боюнча камакка алынган Саламаттык сактоо министрлигинин мурунку жетекчиси Динара Сагинбаева тергөө менен иштешүүгө макул болгондуктан үй камагына чыгарылды. Бул тууралуу Sputnik Кыргызстан агенттигине Башкы прокуратуранын маалымат кызматы билдирди.

Белгилей кетсек, Биринчи Май райондук соту тергөөчүнүн сунушун канааттандырган.

Батукаев коюлган рак диагнозунун негизинде жаза мөөнөтүнүн жарымын өтөбөй абактан бошонуп, Кыргызстандын аймагынан чыгып кеткенде Сагинбаева Саламаттык сактоо министрлигин жетектеп турган.

Батукаевдин иши

2019-жылдын 17-апрелинде башкы прокурор Өткүрбек Жамшитов Жогорку Кеңеште отчёт берип жатып Батукаевдин мыйзамсыз бошотулушу боюнча кылмыш иши жанданганын билдирип, көп өтпөй Батукаевге диагноз койгон онколог, лаборатория кызматкери камакка алынган. Андан кийин ошол кезде Саламаттык сактоо министрлигин жетектеп турган Динара Сагинбаева, ЖАМК төрагасынын мурдагы кеңешчиси Калыбек Качкыналиев, ошол учурда вице-премьерликти аркалаган Шамил Атаханов камакка алынган.

Белгилей кетсек, Батукаевди Аламүдүн райондук соту 16 жыл 8 айга эркинен ажыраткан. Соттун чечими менен жаза мөөнөтүнүн жарымы өткөндө абактан чыгарылган.

Бул иштин алкагында ошол кезде Жаза аткаруу мамлекеттик комитетин жетектеп турган азыркы депутат Зарылбек Рысалиев да суракка чакырылган.

Көп өтпөй Батукаевди камактан бошотуу өкүмүн чыгарган Нарын шаарынын мурунку судьясына да кылмыш иши козголгону белгилүү болду.

Тема:
Батукаевдин ишинин жанданышы (47)

Тема боюнча

Батукаев чуусу: экс-министр Динара Сагинбаева үй камагына чыкты
Батукаевдин иши боюнча Нарын шаарынын мурдагы судьясына айып тагылды
Белгилер:
рак, түрмө, камак, Динара Сагинбаева, Азиз Батукаев

ЭҢ МААНИЛҮҮ