02:54 24 Баш оона 2019
Түз эфир
  • USD69.7882
  • EUR77.2311
  • RUB1.0638
Кримтөбөл Азиз Батукаевдин иши боюнча камалган дарыгер, балдар онкологу Эмил Макимбетовду колдоп Улуттук онкология борборунун балдар бөлүмүнүн дарыгерлери жана бейтаптар акцияга чыгышты

Батукаевдин иши боюнча камалган балдар онкологун колдоп бейтаптар акцияга чыкты

© Фото / Гулзат Жапанова
Коом
Кыскача шилтеме алуу
Батукаевдин ишинин жанданышы (46)
186 0 0

Акцияга чыккандардын арасында балдар да бар. Алардын жазууларында "Доктор Макимбетов, сизди күтөбүз", "Дарыгер — күч бирдикте!" деп жазылган.

БИШКЕК, 7-май — Sputnik. Кримтөбөл Азиз Батукаевдин иши боюнча камалган дарыгер, балдар онкологу Эмил Макимбетовду колдоп Улуттук онкология борборунун балдар бөлүмүнүн дарыгерлери жана бейтаптар акцияга чыгышты. Бул тууралуу Sputnik Кыргызстан агенттигине аталган бөлүмдүн башчысы Гүлмира Жунушалиева билдирди.

Акция поддержки врача Эмиля Макимбетова, задержанного по делу Азиза Батукаева
© Фото / Гулзат Жапанова
Кримтөбөл Азиз Батукаевдин иши боюнча камалган дарыгер, балдар онкологу Эмил Макимбетовду колдоп Улуттук онкология борборунун балдар бөлүмүнүн дарыгерлери жана бейтаптар акцияга чыгышты

Эскерте кетсек, буга чейин Батукаевге рак диагнозун койгон онколог менен лабораториянын кызматкери кармалып, эки айга камакка алынган. Дал ушул илдеттин негизинде кылмышкер түрмөдөн чыгарылган.

Акцияга чыккандардын арасында балдар да бар. Алардын жазууларында "Доктор Макимбетов, сизди күтөбүз", "Дарыгер — күч бирдикте!" деп жазылган.

Акция поддержки врача Эмиля Макимбетова, задержанного по делу Азиза Батукаева
© Фото / Гулзат Жапанова
Акцияга чыккандардын арасында балдар да бар. Алардын жазууларында "Доктор Макимбетов, сизди күтөбүз", "Дарыгер — күч бирдикте!" деп жазылган.

Жунушалиева Макимбетов онкологиялык ооруга кабылган балдарга операция жасаган жалгыз хирург, профессор экенин баса белгилеп, аны үй камагына чыгарууну өтүнүп жатышканын айтты.

"Онкология борборунун балдар бөлүмүн баштан-аяк түптөгөн Макимбетов десем жаңылышпайм. Бардык күчүн, эмгегин ушул тармакка жумшап, беш жылдын ичинде бөлүмдү дүйнөлүк стандартка ылайыкташтырып жасады. Биздин бөлүмдө иштеген дарыгер-онкологдордун баары анын аспиранттары, окуучулары. Бардык бейтаптар ушул кишиден консультация алчу. Профессор эч жакка деле качып кетмек эмес, ал биздин жетекчи, илимий жактан да карайт, бөлүмдүн да көзгө басаар кишиси болчу. Бийликтен аны үй камагына чыгарууну өтүнөбүз", — деди Жунушалиева.

Белгилей кетсек, Азиз Батукаевди 2006-жылдын 3-августунда Аламүдүн райондук соту 16 жыл 8 айга эркинен ажыраткан. Кылмышкер катуу тартиптеги колонияда жаза өтөп, мындан тышкары, мүлкү конфискацияланган. 2013-жылдын 9-апрелинде Батукаев оор илдетине байланыштуу мөөнөтүнөн мурда бошоп, Кыргызстандан чыгып кеткен. ИИМдин маалыматы боюнча, ушу тапта "курал-жарак сактаган" деп айыпталып Чечен Республикасынын абагында отурат.

Кримавторитет боюнча иш кайра жанданганын 17-апрель күнү башкы прокурор Өткүрбек Жамшитов депутаттарга отчёт берип жатып айткан. Ошол учурда Жаза аткаруу мамлекеттик кызматын жетектеп турган азыркы депутат Зарылбек Рысалиев да суракка чакырылары маалым болгон.

Тема:
Батукаевдин ишинин жанданышы (46)

Тема боюнча

Азиз Батукаевдин иши боюнча кармалган дарыгерлер эки айга камалды
Азиз Батукаевге рак диагнозун койгон делип эки дарыгер кармалды
Белгилер:
акция, камак, Эмил Макимбетов, Азиз Батукаев

ЭҢ МААНИЛҮҮ