Садыр Жапаровдун иши 30-апрелде каралмай болду

© Sputnik / Табылды КадырбековМитинг сторонников Текебаева и Жапарова на Старой площади Бишкека
Митинг сторонников Текебаева и Жапарова на Старой площади Бишкека - Sputnik Кыргызстан
Жазылуу
Сот отурумунда жактоочусу сот коллегиясынын бир судьясына ишенбөөчүлүк көрсөтүү өтүнүчүн билдирип, ал канааттандырылды.

БИШКЕК, 23-апр. — Sputnik. Жогорку сот мурдагы депутат Садыр Жапаровдун ишин кароону 30-апрелге жылдырды. Бул тууралуу аталган мекеменин маалымат кызматы билдирди.

Ага ылайык, сот жактоочулар менен Жаза аткаруу мамлекеттик кызматынын Жапаров боюнча жаңы жагдайлар ортого чыкканы боюнча өтүнүчүн караган.

"Сот отурумда жактоочу соттук коллегиянын бир судьясына ишенбөөчүлүк көрсөтүү өтүнүчүн келтирди. Сот өтүнүчтү канааттандырып, ишти кароону 2019-жылдын 30-апрелине саат 16.00гө жылдырды", — деп айтылат маалыматта.

Эске салсак, Бишкек шаарынын Биринчи Май райондук соту 2017-жылдын 2-августундагы өкүмү менен Жапаровду 11 жыл 6 айга эркиндигинен ажыраткан.

2017-жылдын 15-сентябрындагы Бишкек шаардык сотунун өкүмү менен Биринчи Май райондук сотунун өкүмү өзгөртүүсүз калтырылган, ал эми 2018-жылдын 13-июнундагы Жогорку соттун токтому менен биринчи жана экинчи инстанциядагы соттордун өкүмдөрү күчүндө калтырылган.

Жаңылыктар түрмөгү
0