БИШКЕК, 27-мар. — Sputnik. Билим берүү жана илим министри Гүлмира Кудайбердиева Москва мамлекеттик университетинин филиалын Кыргызстанда ачуу боюнча көйгөй жаралышы боюнча айта алган жок.
Белгилей кетсек, аталган окуу жайдын ректору Виктор Садовничий Кыргыз-орус жогорку окуу жайларынын ректорлорунун I форумунда МГУнун филиалын ачуу үчүн алты ирет макулдугун берип, Бишкекке билет дагы алганын айтып, бирок жыйынтык чыкпаганын билдирген. Ал "Буга Москванын күнөөсү жок. Кесиптештер, өзүңөрчө ушул маселени талкуулагылачы" деп бардык күчүн жумшоого даяр экенин белгилеген.
"Бул маселенин тарыхы боюнча мен айта албайм. Буга чейин биздин россиялык кесиптешибиз илим жана жогорку билим берүү министри менен сүйлөшкөнбүз. Биз азыр ошол меселени актуалдаштырып талкуулап, дагы карап чыксак болот деп ойлом", — деди Кудайбердиева.
Москва мамлекеттик университетинин филиалдары алты мамлекетте иштеп жатканы айтылат.
