БИШКЕК, 18-фев. — Sputnik. Оңдоп-түзөө иштерине байланыштуу темир жол линиясынын үстүнөн баштап Бишкек шаарынын түштүк бөлүгүндө эртең мененки саат 9:00дөн 24:00гө чейин ичүүчү суу токтотулат. Бул тууралуу Бишкек мэриясынын маалымат кызматы билдирди.
Ага ылайык, Орто-Алыш суу топтомосунда 35 жаңы скважина салынган. Шаарга түшкөн суунун көлөмүн кеңейтүү максатында жаңы салынган Д=1000 мм. суу түтүктөрү шаардын суу түйүнүнө туташтырылат.
Суу өчө турчу аймактардын тизмеси:
- №3, 4 ,5, 6, 7, 8, 9, 10, 11, 12, Асанбай, Жал-15, 23, 29, 30, Түштүк-2, Көк-Жар, Улан-1, Улан-2 кичирайондору;
- Көк-Жар, Үстүңкү Көк-Жар, Арча-Бешик конуштары, Ынтымак, Бакаев, Киргизия-1, Киргизия-2, Ала-Арча, Браво, Ордо, Орто-Сай-2, Сары-Өзөн, Салкын-Төр, Совмин шаарчасы, Орто-Сай айылы, Чоң-Арык жана Төмөнкү Орок;
- Жал-15, 23, 29 кичирайондордо, Совмин шаарчасында, Жал-29 кичирайонундагы балдардын адаптация борбору, №4 шаардык ооруканасы, №5 Банясы, Ротор, Фурманов көчөсү 10, Гагарин көчөсү 74 дарегиндеги "Бишкекжылуулукэнерго" отканалары;
- "Ак-Кеме" мейманканасы, Ч.Айтматов көчөсүндөгү көп кабаттуу турак жай үйлөрдө ("Акун"), жана Грибоедов көчөсүндөгү 1/1 үйдөгү ведомстволук отканалар:
"Бишкексууканал" ишканасы келтирилген ыңгайсыздыктар үчүн кечирим сурап, калкты, уюмдарды жана ишканаларды алдын ала суу менен камсыздап алууну өтүнөт.
