БИШКЕК, 28-дек. — Sputnik. Борбор калаадагы тайгалактан улам бир күндүн ичинде 21 адам жабыркады. Бул тууралуу Саламаттыкты сактоо министрлигинин маалымат кызматынын өкүлү Елена Баялинова билдирди.
27-декабрда травматологиялык борборго 50 адам кайрылган. Алардын 21и музга тайгаланып жыгылып, жаракат алган. Бир катарларынын сөөгү сынса, дагы башкалары буттарын кайрып алган учурлар кездешүүдө.
Манас проспектиси менен Токтогул көчөлөрүнүн кесилишиндеги травматология бөлүмү, ошондой эле Кривоносов көчөсүндөгү Бишкек шаардык травматология жана ортопедия илим изилдөө борбору күнү-түнү иштеп жатат.
