БИШКЕК, 23-дек. — Sputnik. Ысык-Көл облусунун Түп районунун орус тилдүү мектептерине Россия Федерациясынын атынан тогуз тонна, тагыраагы, 21 миң 280 даана китеп жеткирилди. Бул тууралуу аталган райондун акими Советбек Исмаилов Sputnik Кыргызстан агенттигинин кабарчысына билдирди.
Анын айтымында, бул китептер район аймагындагы орус тилдүү бардык мектептерди камсыз кылууга жетиштүү.
"Түп районун мугалимдери, райондук билим берүү бөлүмүнүн адистери атайын долбоор жазышкан. Анын негизинде Россиянын гуманиардык миссиясы кечээ Кант авиабазасына тогуз тонна китеп жеткирип берди. Окуу куралдары бүгүн Түп районундагы Василий Кайкин атындагы мектепке кеткирилип, башка мектептерге бөлүштүрүлүп жатат", — деди аким.
Ошондой эле район башчысы бул белеги үчүн Россия тарапка ыраазычылыгын билдирди.
Аким Түп районунда 16 орус тилдүү мектеп бар экендигин кошумчалады.
