01:21 01 Кулжа 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
509401

Узап бара жаткан 2017-жыл адам өмүрү боюнча саресеп сала келгенде катаал болду. Улгайгандар кетти, аксакалдар узады, өкүнүчтүүсү "селт" эттирип, 40, 43, 45, 47 жаштагылар биринин артынан бири дүйнө салышты. Sputniк Кыргызстан быйыл көз жумган ажарлуу, таланттуу, кыйын, мыкты атактууларды тизмектеди.

Знаменитый режиссер, публицист и генеральный секретарь Федерации кок-бору КР Темир Дуйшекеев во время съемок фильма Саякбай
© Фото / Заир Исаков
Белгилүү режиссер, публицист, Көк бөрү федерациясынын башкы катчысы Темир Дүйшекеев
7-январь. Белгилүү режиссер, публицист, Көк бөрү федерациясынын башкы катчысы Темир Дүйшекеев 74 жашында узакка созулган оорудан каза тапты. Ал режиссерлуктан сырткары, кинокартиналардын сценарийлеринин редактору да болуп эмгектенип келген. Мындан сырткары, "Көк бөрү" федерациясынын түзүлүшүнө, бул оюндун эрежелеринин иштелип чыгышына, дегеле көк бөрүнүн атагын чыгарып анын таралышына чоң эмгек жасаган. 
Президент Кыргызской Республики Алмазбек Атамбаев принял председателя Национальной  комиссии по государственному языку при Президенте КР Эгемберди Эрматова.
© Пресс-служба президента КР / Султан Досалиев
Мамлекеттик тил комиссиясынын мурдагы жетекчиси, экс-депутат, акын, драматург жана журналист Эгемберди Эрматов

24-январь. Мамлекеттик тил комиссиясынын мурдагы жетекчиси, экс-депутат, акын, драматург жана журналист Эгемберди Эрматов 66 жаш курагында дүйнө салды. Ал 2010-жылы Жогорку Кеңештин депутаты болгон. 2013-жылдан 2016-жылдын аягына чейин Мамлекеттик тил боюнча улуттук комиссиясынын төрагасы болуп эмгектенген. 

Композитор Азат Дооткулов во время прогулок городу
© Фото / Данияр Джаркымбаев
Композитор Азат Дөөткулов

13-апрель. Композитор Азат Дөөткулов узакка созулган оорудан көз жумду. Дөөткулов 2015-жылы чыгармачылыгынын 35 жылдыгын белгилеген. Көптөгөн ырларга обон чыгарып, спектакль жана кинолорго музыка жазган. Акыркы мезгилде мамлекеттик "Учур" жаштар театрында эмгектенип келген. 

Известный журналист, заслуженный деятель культуры Кыргызской Республики Боконбай Боркеев.
© Фото / Данияр Джаркынбаев
Кыргыз маданиятына эмгек сиңирген ишмер, журналист Бөкөнбай Боркеев
10-май. Кыргыз маданиятына эмгек сиңирген ишмер, журналист Бөкөнбай Боркеев 69 жаш курагында узакка созулган оорудан улам каза тапты. Ал Кыргызстандагы бир нече гезит-журнал, радио жана телеканалдарда иштеп, элге жазуучу жана котормочу катары да кеңири белгилүү болгон. 
Вице-президент по социальным вопросам ассоциации Дордой и генеральным директором клуба-отеля Кой-Таш Гульмира Мамбеталиева. Жена известного бизнесмена Аскара Салымбекова
© Фото / Ulukbek Askarbekov
Философия илимдеринин доктору, Гүлмира Мамбеталиева

25-апрель. Философия илимдеринин доктору, Гүлмира Мамбеталиева 61 жаш курагында оорудан көз жумду. Кайрымдуулук иштери менен да алектенип келген философия илимдеринин доктору Мамбеталиева "Дордой" ассоциациясынын вице-президенти болчу. Ал жеке ишкер Аскар Салымбековдун жубайы эле. 

Член-корреспондент Национальной Академии наук Кыргызской Республики, доктор фиико-математических наук, профессор,Народный учитель Кыргызской Республики, Заслуженный деятель науки Кыргызской Республики, известный учёный Озгоруш Шаршекеев
Белгилүү окумуштуу, КРдин Эл мугалими, Улуттук илимдер академиясынын мүчө-корреспонденти Өзгөрүш Шаршекеев

7-июнь. Белгилүү окумуштуу, КРдин эл мугалими, Улуттук илимдер академиясынын мүчө-корреспонденти Өзгөрүш Шаршекеев 82 жаш курагында дүйнөдөн кайтты. Маркум космосту изилдөө багытында илимий иликтөөлөрдү жүргүзгөн саналуу кыргыз окумуштууларынын бири эле. Анын 100дөн ашык илимий эмгектери, анын ичинен үч монография жана кыргыз тилинде жазылган орто мектептин окуучулары үчүн бир катар окуу китептери жарыкка чыккан. 

18-июнь. Журналист Келдибек Назиров 17-июнь күнү 52 жаш курагында оорудан улам көз жумду. Саясат, экономика жана социалдык темаларга көп кайрылган Назиров "Агым", "Де-факто", "Жаңы ордо" сыяктуу гезиттерде эмгектенген. 2016-жылга чейин "Жаңы Агым" гезитинде иштеп, акыркы бир жылда ден соолугуна байлаштуу эс алууда жүргөн. 

Дочь председателя Совета народных комиссаров Кыргызстана Баялы Исакеева Лариса
© Фото / Ашыркул Оморов
Мамлекеттик ишмер, кыргыздын репрессияланган интеллигенциясынын көч башында турган Баялы Исакеевдин кызы Лариса Исакеева

29-июнь. Мамлекеттик ишмер, кыргыздын репрессияланган интеллигенциясынын көч башында турган Баялы Исакеевдин кызы Лариса Исакеева 83 жашында дүйнө салды. Кезегинде "эл душманы" аталган кишинин кызы атасынан ажырагандан кийин балдар үйүндө тарбияланган. Исакеева Кыргызстандагы Мукаш Абдраев атындагы музыкалык мектептин директору болуп 17 жыл эмгектенген. 

Комузист Канат Токтобек уулу во время фотосессии
© Фото / Ринат Мурзаев
Комузчу Канат Токтобек уулу

30-июнь. Жаштайынан комуздун күүсү менен өсүп, өнөрү аркылуу өргө чыгып келе жаткан таланттуу Канат Токтобек уулу капыстан каза болду. Өнөрпоз болгону 20 жашта болчу.

10-июль. Кыргыз ССРнин эмгек сиңирген артисти Калыйбек Назаралиев оорудан каза болду. Ал Муратбек Рыскулов атындагы Нарын облустук драма театрында 10 жылдан ашык эмгектенген. Назаралиев "Достор", "Президент жана бомж" тасмаларына тартылып, селсаяктын ролун ойногон. Актер Талас облусунун Кара-Буура районунун Кара-Суу айылында 1951-жылы туулган. 

Портрет известного диктора Абилезима Ниязова
© Пресс-служба президента КР / Султан Досалиев
Теледиктор, кыргыз дикторлорунун устаты, кыргыз радиосунда көп жыл эмгектенген Абилезим Ниязов

18-август. Теледиктор, кыргыз дикторлорунун устаты, кыргыз радиосунда көп жыл эмгектенген Абилезим Ниязов 88 жашында дүйнө салды. Бул тармакта 40 жылдан ашуун эмгектенген. Ал президенттик аппараттын жетекчиси Фарид Ниязовдун атасы. 

Эстрадная певица Эльмира Кайып кызы. Фото со страницы Facebook Макал Арт
© Фото / Макал Арт
Белгилүү ырчы Элмира Кайып кызы

31-август. Белгилүү ырчы Элмира Кайып кызы 43 жашында ооруканада көз жумду. Кайып кызы Токтогул Сатылганов атындагы филармониянын алдындагы эки жылдык студияны жана Бүбүсара Бейшеналиева атындагы искусство институтун бүтүргөн. Чыгармачылык жолунда "Ак куулар сени сагынар", "Калды эсимде", "Булбулум" аттуу чыгармаларды аткарып элге таанымал болгон. Ырчынын артында бир кызы калды. 

Архивные фотографии известной певицы и ведущей программы Сармерден Гулбу Ороскул кызы
© Фото / Айзуура Иманалиева
Белгилүү ырчы, "Сармерден" долбоорунун алып баруучусу Гүлбүбү Ороскул кызы

6-октябрь. Белгилүү ырчы, "Сармерден" долбоорунун алып баруучусу Гүлбүбү Ороскул кызы 41 жашында оорудан улам көз жумду. Артында эки кызы калды. Гүлбүбү Ороскул кызы Кыргызстандагы өнөрлүү ырчылардын бири болгон. Ал ырчы Гүлзат Батырканова каза тапкандан кийин "Сармерден" долбоорунун "шайыр жеңеси" болуп, алып бара баштаган. 

Вице-премьер-министр Темир Джумакадыров погиб в ДТП 7 октября. Несчастный случай произошел, когда чиновник ехал в Таласскую область для проверки избирательных участков. Вместе с ним погибли помощник и водитель
© Sputnik / Табылды Кадырбеков
Вице-премьер-министр Темир Жумакадыровдун жаназасы

7-октябрь. Вице-премьер-министр Темир Жумакадыров кызматтык сапарга чыгып, жол кырсыгынан каза тапты. Вице-премьер бараткан жолтандабас жүк ташуучу унаа менен кагышкан. Жумакадыров менен бирге анын жардамчысы жана айдоочусу да набыт болгон. Ал болгону 38 жашта эле… 

Дочь известного советского партийного деятеля Жусупа Абдрахманова Ленина Абдрахманова
© Пресс-служба правительства / Сабыр Аильчиев
Көрүнүктүү мамлекеттик ишмер Жусуп Абдрахмановдун кызы Ленина Абдрахманова

20-октябрь. Көрүнүктүү мамлекеттик ишмер Жусуп Абдрахмановдун кызы Ленина Абдрахманова дүйнө салды. Жусуп Абдрахманов В.И.Лениндин урматына кызын Ленина деп атаган. Абдрахманова атасынын даңктуу ысымын кастарлап, татыктуу өмүр сүрдү. Эмгек жолун гальваникалык өндүрүштө карапайым жумушчу катары баштаган. Өз эмгеги менен бийик даражага жетип, көптөгөн шакирттерди тарбиялаган. Эмгек Кызыл Туу ордени, Кыргыз ССР Жогорку Советинин Ардак грамотасы менен сыйланган. 

Депутат ЖК 6 созыва Улан Чолпонбаев от фракции Республика – Ата-Журт. Архивное фото
© Sputnik / Табылды Кадырбеков
"Республика — Ата Журт" фракциясынан Жогорку Кеңештин депутаты Улан Чолпонбаев

11-ноябрь. "Республика — Ата Журт" фракциясынан Жогорку Кеңештин депутаты Улан Чолпонбаев 40 жашында көз жумду. 1997-жылы Кыргызстан эл аралык университетинин эл аралык укук адистигин аяктаган. Жогорку Кеңештин V жана VI чакырылышынын депутаты болуп иштеп келген. 

Заслуженный актер Кыргызстана, режиссер Марат Козукеев во время интервью Sputnik Кыргызстан
© Sputnik / Табылды Кадырбеков
КРдин эмгек сиңирген артисти, Токтоболот Абдумомунов атындагы кыргыз улуттук академиялык драма театрынын көркөм жетекчиси Марат Козукеев

8-декабрь. КРдин эмгек сиңирген артисти, Токтоболот Абдумомунов атындагы кыргыз улуттук академиялык драма театрынын көркөм жетекчиси Марат Козукеев оорудан, 47 жашында дүйнө салды. Козукеев аталган драма театрдын көркөм жетекчиси болуп эмгектенип, кыргыз-түрк "Манас" университетинде да окутуучулук кесипти аркалаган. 

Певец, руководитель группы Эл шайырлары Мурадил Сагыналиев
Белгилүү ырчы Мурадил Сагыналиев

14-декабрь. Белгилүү ырчы Мурадил Сагыналиев өнөкөт оорудан каза тапты. Кыргыз филармониясынын алдындагы эки жылдык эстрада-фольклордук студиясын ийгиликтүү аяктаган ырчы алгачкы өнөр жолун Алымкул Үсөнбаев атындагы "Эл шайырлары" фольклордук тобунда артист болуп баштаган. Ошондон бери аталган фольклордук топтун көркөм жетекчиси болуп иштеп жаткан. Чыгармачыл жолун филармониядан баштап, өмүрүнүн 25 жылын аталган жайда өткөргөн.

Тема боюнча

Бааланбай кетти!.. Ырчы Мурадил Сагыналиев тууралуу 7 факты
Жалпы Кыргызстан сөз кылган окуялар. 2017-жылга саясий саресеп
Асманда жанган жылдыз эле... Темир Жумакадыровдун тажиясынан сүрөттөр
Белгилер:
өмүр, талант, актер, артист, режиссер, ырчы, өлүм

ЭҢ МААНИЛҮҮ