БИШКЕК, 20-окт. — Sputnik. Көрүнүктүү мамлекеттик ишмер Жусуп Абдрахмановдун кызы Ленина Абдрахманова дүйнө салды.
Президент Алмазбек Атамбаев анын жакындарына көңүл айтканын өлкө башчынын маалымат кызматы билдирди.
"Жусуп Абдрахманов В.И.Лениндин урматына кызын Ленина деп атаган. Абдрахманова Ленина Жусуповна атасынын даңктуу ысымын кастарлап, татыктуу өмүр сүрдү. Эмгек жолун гальваникалык өндүрүштө карапайым жумушчу катары баштаган. Өз эмгеги менен бийик даражага жетип, көптөгөн шакирттерди тарбиялаган. Эмгек Кызыл Туу ордени, Кыргыз ССР Жогорку Советинин Ардак грамотасы менен сыйланган", — деп айтылат маалыматта.
Атамбаев ошондой эле президенттик социалдык коргоо жана колдоо фондусунан Ленина Абдрахманованы акыркы сапарга узатууну уюштурууга жардам көрсөттү.
