19:55 13 Чын Куран 2021
Түз эфир
  • USD84.7913
  • EUR100.8804
  • RUB1.0976
Коом
Кыскача шилтеме алуу
70

Окуу жайдын ректору, Каныбек Исаков окутуучуларга мүмкүн болгон бардык шартты түзүп, ошого жараша жоопкерчиликти күчөтүүгө аракет көрүлүп жатканын айтат

БИШКЕК, 7-дек. — Sputnik. Ош мамлекеттик университетинде профессордук-окутуучулук курамдын, административдик чарба кызматкерлердин айлык акылары ырааттуу түрдө жыл сайын жогорулап келе жатат. Бул тууралуу окуу жайдын маалымат кызматы билдирди.

Ага ылайык, 2012-жылдан тарта маяна жети жолу жогорулаган.

Учурда бир ставкада иштеген профессорлордун орточо маянасы 37 миң сомду түзөт, ал эми окутуучулардын айлыгы 17 миң сомдун тегерегинде.

Окуу жайдын ректору, Каныбек Исаков окутуучуларга мүмкүн болгон бардык шартты түзүп, ошого жараша жоопкерчиликти күчөтүүгө аракеттер көрүлүп жатканын айтат.

"Окуу жайдагы ыксыз чыгымдарды кыскартуунун, үнөмдөөнүн натыйжасында айлык акыларды өстүрүүгө шарт жаралууда. Маянанын жогорулашы ар кандай негативдүү көрүнүштөрдүн алдын алып, ОшМУнун 100дөн ашык окутуучулары ипотекалык негизде турак жай алууларына да негиз болууда", — деди ал.

Декабрь айында ар бир кызматкерге жаңы жылга карата бир оклад өлчөмүндө 13-айлык, сыйлык акчалар төлөнүп берилери маалыматта белгиленген.

Тема боюнча

Лейлек: шайлоодо иштеген 220 оператор эмгек акысын ала албай убара
Өкмөт чыгашаны 11,4 млрд. сомго кыскартууну көздөп жатат
Белгилер:
окуу жай, маяна, Ош

ЭҢ МААНИЛҮҮ