БИШКЕК, 20-сен. — Sputnik. Соттолуп жаткан мурдагы депутат Садыр Жапаровдун атасы Мустали уулу Нуркожо каза болду. Бул маалыматты Жапаровдун жакындары тастыкташты.
Маалыматка ылайык, экс-депутаттын 84 жаштагы атасы бүгүн, 20-сентябрдын таңында үзүлгөн. Анын сөөгү Ысык-Көл облусунун Түп районундагы Кең-Суусу айылына коюлат.
Буга чейин айтылгандай Садыр Жапаров камакка алынгандан тарта атасынын абалы кескин начарлап кеткен.
Эске салсак, Жапаров 2013-жылы октябрда болгон митинг учурунда Эмилбек Каптагаевди барымтага алууну уюштурууга тиешеси бар деп күнөөлөнүп соттолууда. Анын ишин караган Бишкек шаардык соту камакта калтыруу чечимин кабыл алган.
Буга чейин райондук сот 11 жыл алты айга кескен болчу
