01:36 22 Баш оона 2017
Түз эфир
Дарыкана кызматкери. Архив

Дарыгерлер үчүн уялам. Дарыкана кызматкеринин ачуусуна тийген 5 учур

© Sputnik / Александр Кряжев
Коом
Кыскача шилтеме алуу
145210

Адаттагы жекшембилик рубрикасына дарыканалардын биринде фармацевт болуп эмгектенген кызматкерлердин бирин кепке тарттык.

Ооруп калганда түз эле ушул адамдарга дары алганы чуркайбыз. Бирок аларга биздин кандай кептерибиз, кылык-жоруктарыбыз жакпай турганын билбесек керек…

"Баарын билем"

Туристтер. Архивдик сүрөт
© Sputnik / Табылды Кадырбеков
Мындай кардарларга дарыгердин кеп-кеңеши деле кереги жок. Анткени алардын интернет деген ынак досу турганда башкалардын жардамы зарыл эмес. Бир эркек киши узак убактан бери вируска каршы кымбат баалуу дары сатып алып келген. Кийин бир нече ай өткөн соң аталган каражат таасир бербей жатканын айтып арызданды. Диагнозу тууралуу суроо узатканда, ал кайсы бир форумдун колдонуучулары кабылган дарттардын келип чыгышын окуп, өзү невралгия менен жабыркай турганын түшүнгөнүн билдирди. "Дарыгерге барыңыз" деген сунушка "өзүмдүн ден соолугумду өзүм билем" деп ороңдоду.

Элдик дарыгерлер

Албетте жаратылыш берген чөп-чар оорулар менен алышууга жардам берет. Бирок аны сөзсүз түрдө күчтүү каражаттар менен аралаштыруу керек. Мисалы долононун тундурмасы менен жүрөк оорудан арылуу мүмкүн эмес! Дартты алдын алса болот, бирок өрчүп кеткенде чөптүн күчү жетпей калат.

Кайдыгер мамиле

  • Башым ооруп жатат бир дары бергилечи.
  • Кан басымыңыз жогорулап кеттиби, шакыйыңыз кармап жатабы же суук тийгизип алдыңызбы?
  • Билбейм, өзүмдү жаман сезип жатам. Шашып дагы жаттым эле кыскасы бир дары бергилечи.

Мындай көйгөй менен күнүнө жок дегенде 10 кардар кайрылат. Албетте муну "Баралгин" же "Кетонал" менен басууга болот. Бирок аларды узак убакыт бою колдонуу туура эмес. Себеби оорунун өзү менен күрөшүп жеңүү зарыл.

Ишенчээктер

Биздин жарандар дагы деле сыналгы аркылуу көрсөтүлгөн жарнамаларга ишенишет. Билип коюңуздар, теле аркылуу сиздин чөнтөгүңүзгө ылайыктуу дары-дармектер көрсөтүлбөйт. Акыркы 1000-1500 миң сомуна дары сатып алган карыяларга боорум ооруйт.

Андан сырткары, абышканын чөнтөгүн акыркы тыйынына чейин кагып алган дарыгерлерге аябай жиним келет. Алар баасы арзан каражаттардын түрүн билишет, бирок кымбат баадагы таблеткаларды жазып бергенди жакшы көрүшөт.

Дайым нааразы болгондор

Түшүнөм, адамдар жыргаганынан дарыканага келбейт. Ошентсе да сүргүнгө кетип жаткан жоксуңар да. Баш оорунун дарысы же витамин алганы келсе деле ар нерсеге нааразы боло беришет.

"Саламатсызбы", "рахмат" же "жакшы калыңыз" деп коюшпайт го чиркин!

Тема боюнча

Тыйыны жок тойго чакырбагыла! Ырчынын кыжырына тийген 6 учур
Бишкектеги Тез жардамдын педиатрлары балдар ыйлабашы үчүн "шаңдуу" формалуу болушту
Белгилер:
дарыкана, дарыгерлер, Кыргызстан

ЭҢ МААНИЛҮҮ