"Тазалыктын" директору пенсионердин иттери эмнеге өлтүрүлгөнүн айтып берди

© Sputnik / Максат ЭлебесовСобаки 75-летней женщины, живущей на восьмом этаже улиц Ибраимова и Токтогула
Собаки 75-летней женщины, живущей на восьмом этаже улиц Ибраимова и Токтогула - Sputnik Кыргызстан
Жазылуу
Муниципалдык кызматтын директору "Тазалыктын" кызматкерлери иттерди жеринде өлтүрүп таштандыга алып кетишерин билдирди

БИШКЕК, 3-авг. — Sputnik. Бишкектик пенсионер Фирдауса Зернованын батиринен алып чыгарылган 14 ит өлтүрүлүп, таштандыга ыргытылганын Sputnik Кыргызстан агенттигине "Тазалык" ишканасынын директору Рыспек Сарпашев билдирди.

Кемпирдин 7 жыл бою батирде баккан жолбун иттери чыгарылды. Үрөй учурган кадрлар - Sputnik Кыргызстан
Кемпирдин 7 жыл бою батирде баккан жолбун иттери чыгарылды. Үрөй учурган кадрлар
Шаршемби күнү, 2-августта, Ибраимов менен Токтогул көчөлөрүнүн кесилишиндеги көп кабаттуу үйдүн сегизинчи кабатында жашаган 75 жаштагы кемпирдин бир бөлмөлүү батиринен 14 ит алып чыгарылган. Алардын сегизи ошол жерден жок кылынып, алты күчүгү тирүү калтырылган.

Сарпашевдин айтымында, "Тазалыктын" кызматкерлери иттерди өлтүрүүгө аргасыз болушкан. Себеби аларды баккан муниципалдык мекемелер жок. Ал эми менчик мекемелер кабыл албайт.

"Бардык иттер таштандыга ыргытылды. Биздин иш ушундай. Иттердин канчоосу өлтүрүлгөнүн так билбейм. Мындан башка арга жок болчу. Себеби таштандыга тирүү итти таштай албайсың. Аларды унаага салып кетүү да мүмкүн эмес. Ал эми атайын ылайыкталган машиналар бизде жок", — деди ал.

Белгилей кетсек, буга чейин 5news.kg маалымат агенттиги иттердин бардыгын кемпир өзү өлтүргөнүн жазып чыккан.

Ал эми Kaktus.media агенттиги "Тазалык" мекемесинин кызматкерлери төрт итти өлтүрүп, калганы атайын жайларга жайгаштырыларын жазган. 

Жаңылыктар түрмөгү
0