Казакстандын маданият министри айткандары үчүн кечирим сурады

© Фото / пресс-служба правительства КазахстанаКазакстандын маданият министри Арыстанбек Мухамедиулы. Архив
Казакстандын маданият министри Арыстанбек Мухамедиулы. Архив - Sputnik Кыргызстан
Жазылуу
Арыстанбек Мухамедиулы кыргыз жазуучусу Чыңгыз Айтматовдун чыгармачылыгы боюнча айтып жатып, чет жакта ажаткана жууп жүргөн кыргызстандыктарды көргөндө боору ачый тургандыгын сөз кылган болчу.

БИШКЕК, 25-май — Sputnik. Кыргыз мигранттарына шек келтирген казак министри Арыстанбек Мухамедиулы өзүнүн сөздөрү үчүн кечирим сурады. Бул тууралуу Новости-Казакстан маалымат агенттиги жазып чыкты.

Снимок поста в социальной сети Facebook - Sputnik Кыргызстан
Казак министринин кыргыздар боюнча айтканына Казак интернети эмне дейт?
23-майда Маданият жана спорт министри Арыстанбек Мухамедиулы министрликтин 2015-жылда жасаган иштери боюнча отчеттук жыйыны болгон. Анын жүрүшүндө ал министрликке тиешелүү жана улуу жазуучу Чыңгыз Айтматовдун чыгармачылыгы тууралуу суроолорго жооп берип, Москвада ажаткана жууп жүргөн кыргыз кыздарын көрүп уяларын айткан.

Вице-министр Ахмедьяров министр Мухамедиулынын айткандарын бир катар ЖМКлар башкача түшүнүп, түрдүү жоромолдошконун айтат.

"Чындыгында министр бардык доордун жана элдин эң алдыңкы жазуучусу Чыңгыз Айтматовдун "Кылым карытар бир күн", "Кыямат", "Ак Кеме", "Жамиля" сыяктуу чыгармаларынын философиялык маанисине көңүл бургусу келген", — дейт Ахмедьяров.

Ал ошондой эле бай тарыхы жана маданияты бар, Төлөмүш Океев, Сүймөнкүл Чокморов сыяктуу таланттарды өстүргөн кыргыз элин кең келечек жана экономикалык өнүгүү күтүп турганын баса белгилеген.

Андан сырткары, министр Арыстанбек Мухамедиулы кыргыз элине урмат-сый менен мамиле кыла турганын жана аларды басынтуу жөнүндө ою болбогонун кошумчалады.

"Министр анын айткандары туура эмес кабыл алынгандыгы үчүн кечирим сурайт", — деп айтылат катта.

Белгилей кетсек, казак министринин айткандары социалдык тармактардагы кыргыз, казак жарандары тарабынан түрдүү кабыл алынып, кайчы пикирлердин жаралышына жем таштаган.

Өз кезегинде Кыргызстандын Тышкы иштер министрлиги Казакстандын Бишкектеги элчилигине нааразылык нотасын жиберген болчу. 

Жаңылыктар түрмөгү
0