Түлеев: түрмөдө "авторитет" болчумун

© Sputnik / Табылды КадырбековЭшикти жаап жаткан абак кызматкери. Архив
Эшикти жаап жаткан абак кызматкери. Архив - Sputnik Кыргызстан
Жазылуу
Бишкектин мурунку мэри 2,5 жыл бою №47 түзөтүү колониясында жаза өтөдү.

БИШКЕК, 12-май — Sputnik. Бишкектин экс-мэри Нариман Түлеев маалымат жыйында №47 түзөтүү колониясында жаза өтөгөндөгү жашоосу тууралуу айтып берди.

"Мен абакта "авторитет" болчумун. Соттолгондорго юрист катары документтер боюнча кеп-кеңешимди айтып, материалдык жактан жардам берип келдим", — деди ал. 

Анын айтымында, колонияда адилетсиз жаза өтөп отурган мыкты кишилер көп болчу.

Бишкектин мурдагы башчысы 2013-жылдын 29-июлунда камакка алынып, 4 жылга чукул абакта жаза өтөдү.

Бишкектин экс-мэри Нариман Түлеев ал маалымат жыйыны учурунда - Sputnik Кыргызстан
Нариман Түлеев эл аралык сотторго арыз менен кайрылат
Экс-мэр жана Жогорку Кеңештин мурунку депутаты Түлеев 2012-жылы мэрлик кызматты аркалап турган учурунда коррупция боюнча шектелген. 2008-жылы Кытайдан жүргүнчү ташыган автобустарды сатып алууда жана 200 миллион сомдук муниципалдык облигацияларды чыгарууда мыйзамсыз аракеттерге барганы үчүн кылмыш иши козголгон. 2013-жылы Ленин райондук соту аны мүлкүн конфискациялоо менен 11 жылга эркинен ажыраткан. 2014-жылдын декабрь айында Бишкек шаардык соту мурунку инстанциянын чечимин күчүндө калтырган. Бир жылдан кийин Жогорку соттун коллегиясы да эки соттун өкүмүн туура деп тапкан. 

Түлеев мамлекеттик казынага 60 миллион сом төлөп, 7-майда эркиндикке чыкты.

Жаңылыктар түрмөгү
0