БИШКЕК, 4-мар. — Sputnik. Баяман Эркинбаевди өлтүргөн киши уюшкан кылмыштуу топ башчысынын буйрутмасы менен киши колдуу болгонун Ички иштер министрлигинин маалымат кызматы билдирди.
Тергөөнүн жүрүшүндө Батыров уюшкан кылмыштуу топтун башчысынын буйрутмасы менен №19 түзөтүү колониясында жаза өтүп жаткан "общактын" мүчөлөрү тарабынан өлтүрүлгөнү белгилүү болду.
"Аталган кылмышка уюшкан кылмыштуу топтун мүчөсү катары ИИМдин каттоосунда турган, мурун кримчөйрөсүндө "положенец" атыккан 44 жашар жарандын катыштыгы бар экени такталды. Ал кылмыш жаза кодексинин 97-беренеси (адам өлтүрүү) боюнча узак мөөнөткө соттолгон", — деп айтылат маалыматта.
Учурда бул иш боюнча башка кылмышкерлердин катыштыгы бар-жогу текшерилүүдө.
Жогорку Кеңештин III чакырылышынын депутаты Баяман Эркинбаевди 2005-жылы 21-сентябрда Бишкек шаарынан атып кетишкен. Депутат алган жаракатынан окуя болгон жерде каза болгон.
