Зулпиев Бектур Рысбаевич — өмүр баяны

© Sputnik / Табылды КадырбековЗаседание депутатов в Жогорку Кенеше
Заседание депутатов в Жогорку Кенеше - Sputnik Кыргызстан
Жазылуу
Президенттик аппараттын жетекчисинин орун басары Бектур Зулпиев 1965-жылы 28-сентябрда Ош шаарында туулган.

Билими:

1982-жылы Ош облусунун Базар-Коргон районундагы Макаренко атындагы орто мектепти аяктаган. Ушул эле жылы Кыргыз мамлекеттик университетинин юридика факультетине тапшырган. 1983-жылы СССР Куралдуу күчтөрүнүн катарына аскерге чакыртылган. 1985-жылы келип окуусун кайра уланткан.

1987-жылы 3-курсту бүткөндөн кийин Ломоносов атындагы Москва мамлекеттик университетинин юридика факультетине которулган.

Эмгек жолу:

  • 1995 — Теория, мамлекеттик тарых жана укук кафедрасында улук окутуучу;
  • 1997 — Шайлоо жана референдум өткөрүү боюнча борбордук комиссиянын аппаратынын укуктук камсыздоо бөлүмүнүн жетекчиси;
  • 2001 — Борбордук шайлоо комиссиясынын төрагасынын кеңешчиси;
  • 2005-2009 — Кыргыз Республикасынын президенттик администрациясынын укуктук саясат бөлүмүнүн жетекчиси;
  • 2009 — КР президенттик аппаратынын юридикалык кызматынын жетекчиси;
  • 20.10.2020 — президенттик аппараттын жетекчисинин орун басары.

Коомдук иштери:

  • 1995-жылы шайлоо талаштары боюнча жумушчу топтун мүчөсү;
  • Конституцияга өзгөртүү жана толуктоо киргизүү боюнча эксперттик топтун мүчөсү (1998-жыл жана 2003-жыл);
  • КР Шайлоо кодексине өзгөртүүлөрдү киргизүү жана иштеп чыгуу боюнча жумушчу топтун мүчөсү (1997, 2001, 2004-жыл);
  • Жогорку соттун алдындагы Илимий-консультациялык кеңештин мүчөсү;
Жаңылыктар түрмөгү
0