17:30 06 Бештин айы 2021
Түз эфир
  • USD84.7942
  • EUR95.7496
  • RUB1.1510
Саясат
Кыскача шилтеме алуу
109 0 0

Бүгүнкү жыйында эл өкүлдөрү башкы прокурордун сунуштамасын кароо үчүн депутаттык комиссия түзмөк.

БИШКЕК, 22-ноя. — Sputnik. Жогорку Кеңештин кезексиз жыйыны кворум жок өтпөй калды.

Бүгүн эртең менен саат 14:00дө депутаттардын кезексиз жыйыны өтөрү кабарланган. Күн тартибине парламентарийлер Асылбек Жээнбеков менен Төрөбай Зулпукаровдун кол тийбестигинен ажыратуу маселеси киргизилген.

Аталган убакытта депутаттар чогулган жок. Мындан улам төраганын милдетин аткаруучу Аида Касымалиева 15 мүнөт күтүп, регламентке таянып 15 мүнөттүк танапис жарыялады. Андан кийин да эл өкүлдөрү келбей, бешөө гана каттоодон өттү.

Буга байланыштуу Касымалиева жыйын өткөн жок эсептеп, жыйынтыктады.

Белгилей кетсек, башкы прокурор Курманкул Зулушев парламентке депутаттар Жээнбеков менен Зулпукаровду кылмыш жоопкерчилигине тартууга макулдук берүү сунуштамасын жөнөткөн.

Бүгүнкү кезексиз жыйында эл өкүлдөрү аталган сунуштаманы кароо үчүн депутаттык комиссия түзөрү күтүлгөн.

Тема боюнча

Жээнбеков, Зулпукаров, Сарпашев жана Нарымбаев жаңы жылды абактан тосот
Белгилер:
Төрөбай Зулпукаров, Асылбек Жээнбеков, жыйын, сунуштама

ЭҢ МААНИЛҮҮ