Ак-Суу шайлоо округунан ат салыша турчу талапкерлер. Тизме
02:32 03.11.2021 (Жаңыртылды: 14:27 14.12.2021)
© Sputnik
Жазылуу
Жогорку Кеңештин жаңы чакырылышы 90 эл өкүлүнөн куралат: 54ү пропорционалдык жол менен партиянын ачык тизмеси аркылуу келсе, 36 депутат мажоритардык система менен бир мандаттуу округдан шайланат.
БИШКЕК, 3-ноя. — Sputnik. Борбордук шайлоо комиссиясы Ысык-Көл облусунун № 35 Ак-Суу шайлоо округунун талапкерлеринин тизмесин жарыялады.
Аталган округдагы шайлоого 11 талапкер катышат. Андагы шайлоочулардын саны — 118 миң 513.
- Бараков Акбарбек Садырбекович, 15.03.1986, ишкерлик жана укук, юриспруденция адистиги боюнча Москва институтунун Караколдогу филиалын аяктаган. Учурда Каракол шаардык кеңешинин депутаты.
- Каниметов Адыл Жанкорозович, 12.12.1977, Жусуп Баласагын атындагы Кыргыз улуттук университетин бүтүргөн. Учурда эч жерде иштебейт.
- Түмөнбаев Акылбек Тогузбаевич, 21.03.1972, Жусуп Баласагын атындагы Кыргыз улуттук университетин юриспруденция, КР ТИМ алдындагы дипломатиялык академияны эл аралык мамилелер адистиги боюнча аяктаган.
- Жанузаков Аманболду Медербекович, 04.07.1979, Касым Тыныстанов атындагы Ысык-Көл мамлекеттик университетинде кыргыз тили жана адабияты адистиги боюнча окуган. Эч жерде иштебейт.
- Абдылдаев Таалайбек Дюшекеевич, 07.02.1956, Жусуп Баласагын атындагы Кыргыз улуттук университетин журналистика адистиги боюнча окуган. Пенсионер.
- Мусалиев Кубан Болотбекович, 17.09.1981, Түркиядагы Стамбул университетин токой инженери адистиги боюнча бүтүргөн. "Ок Транс" ЖЧКсынын генералдык директору.
- Молдоташев Ишенбай Курманович, 30.01.1953, Иса Ахунбаев атындагы Кыргыз мамлекеттик медициналык академиясын дарылоо адистиги боюнча аяктаган. Учурда терапия кафедрасынын профессору.
- Болтуруков Өмүрбек Аяпбергенович, 20.09.1955, Касым Тыныстанов атындагы Ысык-Көл мамлекеттик университетинде география жана биология адистиги боюнча окуган. Эч жерде иштебейт.
- Жумабекова Акылсайра Кадыралиевна, 07.10.1957, Каракол шаарындагы педагогикалык институтун математика, Кыргыз мамлекеттик юридикалык академиясын финансы жана кредит адистиги боюнча бүтүргөн. Учурда "Ирада" балдар үйүнүн директору.
- Сарыбаев Тынчтыкбек Калмакович, 26.09.1972, Касым Тыныстанов атындагы Ысык-Көл мамлекеттик университетин менеджмент адистиги боюнча аяктаган. Учурда КРдин Кыйноолорду алдын алуу боюнча улуттук борборунун Ысык-Көл облустук аймактык өкүлчүлүгүндө эксперт.
- Супатаева Альфира Илиясовна, 22.07.1981, Касым Тыныстанов атындагы Ысык-Көл мамлекеттик университетин кыргыз тили жана адабияты адистиги боюнча аяктаган. Учурда КР президентине караштуу Мамлекеттик тил боюнча улуттук комиссиянын маалымат бөлүмүнүн жетекчиси.
Ак-Суу шайлоо округуна Каракол шаары толугу менен (№ 3131, 3132, 3161 шайлоо участкаларынын чек араларынан тышкары), Ак-Суу районунун Ак-Булуң, Ак-Чий, Боз-Учук, Жыргалаң, Каракол, Кереге-Таш, Октябрь, Отрадное, Тепке, Теплоключенка, Эңилчек, Кара-Жал, айыл аймактары Түп районундагы Санташ, Карасаев, Арал, Михайловка, Ысык-Көл, Чоң-Таш, Талды-Суу, Кудургу, Ак-Булуң, Сары-Булак, Ак-Булак, Түп, Тогуз-Булак айыл аймактары толугу менен кирет. Шайлоочулардын саны 118 миңден ашат.
