Куршаб шайлоо округунан ат салыша турчу талапкерлер. Тизме
22:48 31.10.2021 (Жаңыртылды: 14:27 14.12.2021)
© Sputnik
Жазылуу
Куршаб шайлоо округундагы шайлоочулардын жалпы саны 112 миңден ашат. Жарышта талапкерлер эң көп добушка ээ болушу керек.
БИШКЕК, 30-окт. — Sputnik. Борбордук шайлоо комиссиясы Ош облусунун №10 Куршаб шайлоо округунан аттанган талапкерлердин тизмесин жарыялады.
Аталган округдан 10 талапкер ат салышат. Алардын арасында Ош шаарынын экс-мэри Айтмамат Кадырбаев, мурдагы айыл чарба, тамак-аш өнөр жайы жана мелиорация министри Эркинбек Чодуев бар.
- Толошов Тынчтыкбек Абдынадырович, 20.09.1979, Ош мамлекеттик университетин юриспруденция багыты боюнча аяктаган. Учурда жумушсуз;
- Танабаев Нурлан Исамидинович, 27.03.1986, Ош мамлекеттик университетинде юриспруденция багыты боюнча билим алган. Учурда Ош шаардык прокуратурасында ага прокурор;
- Кадырбаев Айтмамат Тентибаевич, 23.01.1966, ССРдин 50 жылдыгы атындагы Кыргыз мамлекеттик университетинде экономика, КР президентинин алдындагы академияда менеджмент багыты боюнча билим алган. Учурда эч жерде иштебейт;
- Пасаңов Эржигит Жетимишович, 11.03.1983, Ош мамлекеттик университетин юриспруденция багыты боюнча окуган. Учурда айыл өкмөт башчысы;
- Толонов Данияр Эрмекович, 25.04.1972, КР президентинин алдындагы академияда менеджмент, Ош техникалык университетин автомобиль жана автомобил чарбасы адисти боюнча бүтүргөн. Учурда эч жерде иштебейт.
- Чодуев Эркинбек Урайымович, 25.11.1963, Жусуп Баласагын атындагы Кыргыз улуттук университетин юриспруденция, финансы жана кредит адистиктери боюнча окуган;
- Токторов Алтынбек Эгембердиевич, 19.04.1985, РФ ТИМинин алдындагы Дипломатия академиясын аяктаган. Учурда кафедра жетекчиси болуп эмгектенет;
- Садыков Нурбек Аданбекович, 08.08.1973, Ош техникалык университетин субтропикалык жана азык-түлүк технологиясы, Жусуп Баласагын атындагы Кыргыз улуттук университетин юриспруденция адистиктери боюнча аяктаган. Учурда "Кыргыз Капитал" курулуш компаниясынын башкы директору;
- Келдибаев Төлөгөн Кыязович, 10.10.1975, Ош мамлекеттик университетинде юриспруденция багыты боюнча окуган. Турак жай-эксплуатациялык участогунун жетекчиси болуп эмгектенет;
- Бакыев Улукбек Хаджимуканович, 20.04.1989, Ош мамлекеттик университетинде юриспруденция багыты боюнча билим алган. Адвокат болуп иштейт;
Куршаб шайлоо округуна Өзгөн районунун Өзгөн шаарындагы № 5058, № 5059, №5060, № 5062, № 5063, № 5473, № 5498, № 5578, № 5579 шайлоо участкалары, Кароол, Куршаб, Кара-Таш, Жалпак-Таш, Кызыл-Октябрь айыл аймактары, Кара-Суу районунун Кызыл-Суу, Жаңы-Арык, Отуз-Адыр, Катта-Талдык, Сары-Колот, Савай айыл аймактары жана Алай районундагы Жаңы-Алай айылы кирет. Шайлоочулардын жалпы саны — 112 миң 847.
