УКМК: кызматкерлерден акча алып турган делип Соцфонддун төрагасы кармалды

© Фото / официальный сайт Социального фонда КРСоциалдык фонддун төрагасы Медер Ирсалиев. Архив
Социалдык фонддун төрагасы Медер Ирсалиев. Архив - Sputnik Кыргызстан
Жазылуу
Буга чейин Социалдык фонддун аппарат жетекчиси аймактык бөлүмдөрдүн жетекчилеринен мыйзамсыз түрдө каражат чогулткан деген шек менен кармалган.

БИШКЕК, 19-ноя. — Sputnik. Социалдык фонддун төрагасы Медер Ирсалиев аймактык бөлүмдөрдөн акча талап кылуу фактысы боюнча кармалды. Бул туурасында УКМКнын маалымат кызматынан кабарлашты.

17-ноябрда Социалдык фонддун аппарат жетекчиси Акылбек Байдылдаев аймактык бөлүмдөрдүн жетекчилеринен мыйзамсыз түрдө каражат чогулткан деген шек менен кармалган.

Буга чейин Коррупцияга каршы кызмат сотко чейинки өндүрүштүн алкагында ишти карап баштаган. Эми ведомство жетекчиси кармалганы кабарланды.

"Териштирилген сотко чейинки өндүрүштүн алкагында Социалдык фонддун төрагасынын мыйзамсыз акча талап кылууга катыштыгы бар экендиги жөнүндө төгүндөлгүс маалыматтар алынды", — деп айтылат билдирүүдө.

Чогулган материалдардын негизинде кечээ, 18-ноябрда, Жазык-процесстик кодексинин 98-беренесинин негизинде аталган аткаминердин кармалганы кошумчаланды.

"Социалдык фонддун төрагасы И.М.Э. кармалып, УКМКнын убактылуу кармоочу жайына киргизилди", — деп билдиришти алар.

УКМКдан учурда тергөө иштери жүрүп жаткандыгы айтылды.

Жаңылыктар түрмөгү
0