АКШ тарыхый этапта турат. Жапаров Байденди шайлоодогу жеңиши менен куттуктады

Жазылуу
Жапаров Байденге бекем ден соолук жана мамлекеттик ишине ийгиликтерди, ал эми Америка элине тынчтык жана бакубаттуулук каалаган.

БИШКЕК, 9-ноя. — Sputnik. Президенттин милдетин аткаруучу Садыр Жапаров Жозеф Байденди АКШ президенти кызматына шайланышы менен куттуктады. Бул тууралуу мамлекет башчынын маалымат кызматынан кабарлашты.

Жапаров бүгүн Америка Кошмо Штаттары өзүнүн өнүгүүсүнүн тарыхый этабында тургандыгын айткан.

"Сиздин жетекчилигиңиз менен Америка эли жаңы бийиктиктерге жетет деп терең ишенем. Кыргыз Республикасы кыргыз-америка мамилелерин өз ара пайдалуу өнүктүрүүгө дайыма өзгөчө көңүл буруп келет. Кызматташуу жөнүндө негизги келишимдин долбоору боюнча сүйлөшүүлөрдүн алга жылып жатканын зор канааттануу менен белгилейм. Эки элдин бакубаттыгы үчүн кыргыз-америка мамилелерин жаңы сапаттуу деңгээлге чыгарууга багытталган биргелешкен иштерге кубанычтамын", — деп айтылган куттуктоо телеграммасында.

Добуштарды кайра санагыла! Трамптын митинг өткөрүүнү пландап жатканы айтылды

Садыр Жапаров Жозеф Байденге бекем ден соолук жана мамлекеттик ишине ийгиликтерди, ал эми Америка элине тынчтык жана бакубаттуулук каалаган.

Эске салсак, 3-ноябрь күнү АКШ өзүнүн 46-президентин шайлады. Добуш берүүнүн жыйынтыгы менен мурдагы вице-президент Жо Байден жеңишке жетти. Ага 538 тандоочунун 290у өз добушун берген. Бирок Трамп жеңилгенин моюндабай, жактоочулары сотко арыз менен кайрылууда.

Жаңылыктар түрмөгү
0