Буга чейин нааразылык акцияларын биригип өткөрүү туурасында айтылган. Мындан сырткары, бир нече партия шайлоонун жыйынтыгын жокко чыгарууну талап кылып, күчтөрүн бириктире тургандыктарын билдиришкен.
Эске салсак, Кыргызстанда 4-октябрда Жогорку Кеңешке шайлоо өтүп, ага 16 партия катышкан. Алдын ала маалыматтар боюнча, "Биримдик", "Мекеним Кыргызстан", "Кыргызстан" жана "Бүтүн Кыргызстан" партиялары жети пайыздык босогодон өткөн.
Аянттагы миңдеген элди алдына ырчы Гүлзада Рыскулова келип, "Курманбек" эпосунан үзүндү аткарып, ырдады. Эл аларды кол чаап, кыйыкырып, ышкырып колдоду.
Ырчы парламенттик шайлоонун жыйынтыгы туурасында сын-пикирин билдирди.
"Кишилер Чүй проспектисин тосууга аракет кылып жатышат", - билдирди кабарчыбыз.
Митингчилерден анча алыс эмес жерде, тагыраагы Өмүрзаков атындагы стадиондун жанында милициянын атайын техникалары токтоп турат. Бул туурасында Sputnik Кыргызстандын кабарчысы билдирди.
Аянтка "Замандаш" партиясынын өкүлү Мелис Турганбаев келди. Ал шайлоодогу добуштар уурдалды деген кинесин айтты. Бир нече мүнөттөн кийин микрофонду колунан алып коюшту. Андан кийин сүйлөп жаткан секиден аны алып түшүп кетишти.
"Ала-Тоо" аянтынан алынган соңку сүрөттөр
Талас облусундагы кабарчы дубанда митинг аяктап, анын жыйынтыгы боюнча резолюция кабыл алынганы айтты. Ага бир катар партиянын өкүлдөрү жана учурдагы депутаттар катышкан.
Кабарчы митингдин катышуучулары Таластан Бишкекке чыгууга камынып жаткандыгын кошумчалады.
"Ала-Тоо" аянтынан ирмемдер. Митингдин катышуучуларына активисттер бет кап таратып жаткан учур.
Бишкекте милиция өкмөт үйүнөн жанындагы скверде орун алды. Бул тууралуу жеринен Sputnik Кыргызстан агенттигинин кабарчысы билдирди.
"Абдымомунов көчөсүндө эки автобус токтоп турат. Айланадагы отургучтарда милиция кызматкерлери отурат", — деди кабарчы
Талас шаарынын чок ортосунда жайгашкан Капар Медетбеков атындагы драма театрынын алдында нааразычылык акциясы башталды. Бул тууралуу Sputnik агенттигинин аймактык кабарчысы билдирди.
Маалыматка караганда, аянтка "Республика", "Бир Бол", "Ата Мекен", "Чоң Казат" партияларынын өкүлдөрү келишкен. Акцияга 500дөй адам катышууда.
Нарын шаарында кечээ 4-октябрдагы парламенттик шайлоого нааразычылык митинги болууда. Нарын шаарындагы облустук администрациянын астына чогулган эл шайлоого нааразы экендиктерин билдиришкен.
"Атам-Мекендин" талапкери, депутат Рыскелди Момбеков 24 сааттын ичинде шайлоонун жыйынтыгын жокко чыгарууну талап кылды. Эл "Акыйкат шайлоо" деп кыйкырууда.
Учурда "Ата-Мекенден" талапкер Жанар Акаев, "Бир Бол" партиясынан Алтынбек Сулайманов сүйлөп, президентке кайрылып, таза шайлоо өткөрүүнү талап кылды.
Учурда "Ата-Мекен" партиясынын талапкери Эльвира Сурабалдиева сүйлөп жатат. Эл "кетсин" деп кыйкырууда.
"Ала-Тоо" аянтындагы митингге "Мекен ынтымагы" партиясынын лидери Темирбек Асанбеков модераторлук кылууда. Учурда "Улуу Кыргызстан" саясий партиясынын өкүлү сүйлөп, шайлоонун жыйынтыгына нааразылыгын айтууда.
Абдылас Малдыбаев атындагы академиялык опера жана балет театрынын жанындагы митинг.
Абдылас Малдыбаев атындагы академиялык опера жана балет театрынын жанына чогулгандар партия лидерлерин "Ала-Тоо" аянтында өтүп жаткан митингчилерге кошулууга чакырып жатышат
Абдылас Малдыбаев атындагы академиялык опера жана балет театрына "Ата Мекен", "Республика", "Замандаш" жана "Бир бол" партияларынын өкүлдөрү чогулганын жеринен кабарчы билдирди.
Алар 4-октябрь күнү өткөн парламенттик шайлоонун жыйынтыгын тааныбай турганын айтып, адилеттүүлүккө чакырууда. Ал жерге 500гө чукул адам чогулганын көрүүгө болот.
Белгилей кетсек, ушул тапта борбор калаадагы "Ала-Тоо" аянтында дагы шайлоонун жыйынтыгына нааразы болгондор митинг өткөрүүдө.
"Ала-Тоо" аянтындагы нааразылык митингинин катышуучулары
Алар "Бир бол", "Ата Мекен", "Республика" жана "Замандаш" саясий партияларынын өкүлдөрү экендиги кабарланды.
В Дубовом парке собирается группа женщин в платках. Власть готовит провокации? Антимитинг?
Опубликовано Kunduz Zholdubaeva Понедельник, 5 октября 2020 г.
"Ала-Тоо" аянтында митингге келгендердин саны бир топ өстү.
Ар кыл маалыматтарга караганда, "Ала-Тоо" аянтына 300-500дөй киши чогулду.
Элдин алдына чыгып сүйлөгөн социал-демократчы Темирлан Султанбеков шайлоо жыйынтыгы боюнча нааразылыгын билдирип, бир канча чакырыктарды таштап, аны тургандар кайталап, кыйкырышты.
Учурда "Мекен ынтымагы" партиясынын лидери Темирбек Асанбеков сүйлөп жатат.
"Бул шайлоонун жыйынтыгын жокко чыгарабыз, беш партия бир чечимге келдик", - деди Асанбеков.
"Ала-Тоо" аянтына келгендердин саны улам көбөйүүдө. Алардын арасынан жаштарды көбүрөөк жолуктурууга болот.
Чогулган элдин алдында сүйлөп жаткан адамдын үн күчөткүчүн ошол жерде тургандардын бири жулуп алды. Ал эми митингдин катышуучулары ал жерден обочороок жылды. Митингге келгендердин бири социал-демократтарды башка тарапка чакырып, кыйкырууда.
"Мекен Ынтымагы" менен "Реформа" партиясынын өкүлдөрү Айкөл Манастын эстелигинин алдына чогулууда.
"Мекенчил" партиясынын өкүлү Мелис Аспеков келип сүйлөп, элди тынчтык митингге чакырды. Ал "биздин "Мекенчил" партия шайлоодо дээрлик уткан" деген пикирин айтты.
"Ала-Тоодо" аянтына адамдар улам келип, кошулуп жаткандыгын ошол жерде жүргөн кабарчыбыз билдирди. "Социал-демократтардын" өкүлү Ирина Карамушкина сүйлөп жаткандыгын кошумчалады.
"Ала-Тоо" аянтынан алынган сүрөттөр
Кечээ БШК парламенттик шайлоонун алгачкы жыйынтыктарын жарыялаганда бир нече партиялар ага макул эместигин билдирип, шайлоонун жыйынтыгын тааныбай тургандыктарын айткан.
Шайлоонун жыйынтыгына нааразы партиялар митингди саат 12:00дө баштарын айтышты.
"Ала-Тоо" аянтына азыр "Социал-демократтар" партиясынын өкүлдөрү келди. Алар кечээ кечинде мөөнөтсүз митинг жарыялагандыктарын айтышкан. Учурда 15-20дай киши чогулду. Алардын жанында милиция кызматкерлери жүрөт.
