Путин менен жолуккан Жээнбеков: россиялык вакцина КРге жетет деп үмүттөнөм

© Sputnik / Михаил Климентьев / Медиабанкка өтүүКР президенти Сооронбай Жээнбеков жана РФ лидери Владимир Путин
КР президенти Сооронбай Жээнбеков жана РФ лидери Владимир Путин - Sputnik Кыргызстан
Жазылуу
Сооронбай Жээнбеков Путинди дүйнөдө алгачкылардан болуп россиялык вакцинанын каттоодон өтүшү менен куттуктаган.

БИШКЕК, 28-сен. – Sputnik. Кыргызстан Россиянын колдоосун ар дайым, айрыкча азыркы оңой эмес кырдаалда сезип жатат. Бул тууралуу КР президенти Сооронбай Жээнбеков РФ лидери Владимир Путин менен жолукканда билдиргенин өлкө башчынын маалымат кызматынан кабарлашты.

Белгилей кетсек, бүгүн, 28-сентябрда, президент Россияга иш сапары менен учуп кеткен.

Жээнбеков Венгрияга барат. Эки өлкөнүн соода-сатык алакасы кандай

Жээнбеков Путинди дүйнөдө алгачкылардан болуп россиялык вакцинанын каттоодон өтүшү менен куттуктаган.

"Коронавирус илдетине каршы россиялык вакцина жакынкы аралыкта Кыргызстанда дагы жеткиликтүү болот деп үмүт артам", — деп билдирген Жээнбеков.

Ал ошондой эле Кыргызстан Россия менен энергетика, соода-сатык жаатында жана Евразия экономикалык биримдиктин алкагында кызматташууга кызыкдар экенин белгилеген. Ошондой эле эки өлкөнүн кылымдар далилдеген достук мамилесин баалай турганын кошумчалаган.

Ал эми Путин Россия ар бир өлкөнүн эркиндигин сыйлай турганын билдирип, Кыргызстан менен мамилесин өнүктүрүүнү уланта турганын айткан. Ал ошондой эле Жээнбековго Кыргызстанды өнүктүрүүгө багытталган иштерде ийгилик каалаган.

Жаңылыктар түрмөгү
0