23:45 25 Бирдин айы 2020
Түз эфир
  • USD69.8500
  • EUR75.8850
  • RUB1.0759
Саясат
Кыскача шилтеме алуу
Аида Саляновага өкүм чыкты (15)
361434

Эл өкүлү юстиция министринин милдетин аткарып турганда кызмат абалынан кыянаттык менен пайдаланып, Алексей Елисеевдин адвокаттык лицензиясын калыбына келтирип берген деп айыпталууда

БИШКЕК, 7-фев. — Sputnik. Бишкек шаардык сотунун судьясы Ирина Воронцова Жогорку Кеңештеги "Ата Мекен" фракциясынын депутаты Аида Саляновага карата өкүм чыгарып, райондук соттун чечимин күчүндө калтырды.

Ага ылайык, Салянова мүлкү конфискацияланып, беш жылга эркинен ажыратылды.

Бүгүн, 7-февралда, эртең менен сот иши уланып, эл өкүлүнүн коомдук жактоочусу Рабига Сыдыкова жарыш сөзүн кечээ, 6-февралда, бүтпөй калганын айтып, аны уланткан. Бирок судья Воронцова Аида Саляновага сөз берерин айтты. Өз кезегинде Салянова жактоочусу жарыш сөзүн бүтпөгөнүн билдирип, аягына чыгууга мүмкүнчүлүк берүүнү суранган. Бирок Воронцова Салянованы соттун чечимине баш ийбегени үчүн залдан чыгуусун талап кылгандан кийин эл өкүлү жактоочусу сөзүн аяктай электигин жана анын да жарыш сөзү менен акыркы сөзү бар экенини айтты.

Воронцова баштаган сот коллегиясы өкүм чыгаруу үчүн кеңешүү бөлмөсүнө кирип чечим кабыл алды.

Бишкек шаардык сотундагы 5-февралдагы жыйынында мамлекеттик айыптоочулар Ленин райондук сотунун чечимин жокко чыгарып, депутат Аида Салянованы үй-мүлкүн камакка алуу менен 8 жылга кесүүнү суранган. Ошондой эле прокуратура эл өкүлү жазасын дароо өтөшү керектигин белгилеген.

Эскерте кетсек, 2017-жылы 10-октябрда Ленин райондук соту Аида Салянованы мүлкүн камакка алуу менен беш жылга эркинен ажыратуу өкүмүн чыгарган. Бирок депутаттын 2015-жылы төрөлгөн баласы 14 жашка чыкканча чечимдин мөөнөтү жылдырылган.

Эл өкүлү юстиция министринин милдетин аткарып турганда кызмат абалынан кыянаттык менен пайдаланып, Алексей Елисеевдин адвокаттык лицензиясын калыбына келтирип берген деп айыпталууда.

Тема:
Аида Саляновага өкүм чыкты (15)

Тема боюнча

"Темир айым" атка конгон Аида Салянова тууралуу 9 факты
Салянованын соту: судьялардын курамын өзгөртүү өтүнүчү колдоо тапкан жок
Белгилер:
соттук чечим, сот, Ирина Воронцова, Алексей Елисеев, Аида Салянова

ЭҢ МААНИЛҮҮ