БИШКЕК, 2-фев. — Sputnik. Бишкек ТЭЦинин (жылуулук менен камсыздаган борбордун) жетекчиси Нурлан Өмүркул уулу тергөө иштеринен улам кызматынан убактылуу кетти. Бул туурасында Энергетика боюнча улуттук холдингдин маалымат кызматынан кабарлашты.
31 Үчтүн айы 2018, 17:06
Учурда анын ордуна "Электр станциялары" ишканасынын филиалы катары курулуп жаткан ГЭСтердин башкы инженери Таалайбек Бектенов дайындалды. Ал аталган филиалда 2015-жылдын август айынан бери иштеп келе жаткан.
Буга чейин премьер-министр Сапар Исаков бишкектиктерден ТЭЦтеги авариядан улам кечирим сурап, күнөөлүүлөрдү кызматтан алууга убада берген. 30-январда Энергетика боюнча улуттук холдингге "Электр станциялары" ишканасынын жетекчисинин биринчи орун басары Бердибек Боркоев менен Бишкек ТЭЦинин директору Нурлан Өмүркул уулун кызматтан алуу сунушун берген.
