БИШКЕК, 17-май — Sputnik. КСДПнын саясий кеңеши өкмөт башчы Сооронбай Жээнбековду президенттикке талапкер катары сунуштагандыгын АКИпресс маалымат агенттиги партия лидери Иса Өмүркуловдун сөзүнө таянып жазды.
Ал чечим бүгүн өткөн партиянын саясий кеңешинин жыйынында кабыл алынган.
Жээнбеков 2016-жылдын 13-апрелинде өкмөт башкылык кызматка дайындалган. 1958-жылы 16-ноябрда Ош облусунун Кара-Кулжа районундагы Тельман айылында туулган. Жогорку билимдүү.
Буга чейин ЖМКлар аркылуу президенттикке талапкерлигин кое турганын "Ак шумкар" партиясынын лидери Темир Сариев, "Өнүгүү-Прогресс" партиясынын лидери Бакыт Төрөбаев билдиришкен. Ал эми РАЖ өз жетекчиси Өмүрбек Бабановду, ал эми "Ата Мекен" партиясы лидери Өмүрбек Текебаевдин талапкерлигин сунушташкан.
