БИШКЕК, 13-фев. — Sputnik. Мамлекеттик каттоо кызматынын төрагасы Тайырбек Сарпашевдин ведомстволор аралык комиссиянын иши учурунда кызматтан четтетип туруу арызын премьер-министр Сооронбай Жээнбеков канааттандырганын өкмөттүн маалымат кызматынан билдиришти.
Мамлекеттик каттоо кызматынын төрагасынын кызматын убактылуу аткаруу милдети жетекчинин орун басары Күмүшбек Шамкановго жүктөлдү.
Эске сала кетсек, МККнын төрагасын ээлеген кызматынан бошотуу боюнча Башкы прокуратуранын өтүнүч катын кароо боюнча ведомстволор аралык комиссия премьер-министрдин тапшырмасы менен түзүлгөн.
