Кыргыз жигит Москвадагы метродо аялды ажалдан алып калды

© Sputnik / Рамиль Ситдиков / Медиабанкка өтүүМосквадагы метрополитен. Архив
Москвадагы метрополитен. Архив - Sputnik Кыргызстан
Жазылуу
Окуя Москвадагы "Красносельская" метросунун станциясында болгон. Талмасы кармаган аял темир жол жолго жыгылып калган.

БИШКЕК, 13-фев. — Sputnik. Кыргызстандык жаран Марат Исаев темир жолго жыгылып кеткен москвалык Юлия Валь аттуу аялды куткарып калганын "Московский комсомолец" гезити жазып чыкты.

Маалыматка ылайык, 28 жаштагы Исаев темир жолго секирип түшүп, жыгылып калган аялды перронго алып чыгууга аракет кылып жаткан полиция кызматкерине жардам берген. "Красносельская" метросунун станциясында турган аялдын талмасы кармап жыгылып кеткен. Дене-боюн калтырак баскан аялды көтөрүп тургузууга мүмкүн болгон менен келе жаткан поезд баарынын жашоосуна коркунуч жараткан.

Кыргызстандыктын айтымында, ал Москвадагы фирмалардын биринде курьер болуп иштейт. 11-февраль күнү жумуштан келе жатып перрондон кулап түшкөн аялды көргөн.

"Биринчи болуп полиция кызматкери жардамга умтулду. Артынан мен түштүм. Бирок аялды дароо алып чыга алган жокпуз, анткени поезд келе жаткан. Полиция кызматкери баарыбызга рельстердин ортосуна жатууну буйрук кылды. Ал келип токтомоюнча кыймылдабай жаттык", — дейт Исаев.

Полицейский Артем Королюк и 28-летний уроженец Киргизии Марат Исаев спасли женщину, упавшую на рельсы на станции «Красносельская». Марат рассказал, что первым на помощь вниз спрыгнул полицейский, но не мог поднять: «Дама была довольно упитанная, и я прыгнул. Мы ее поставили на ноги, но она вся тряслась из-за приступа. Люди, стоявшие на платформе, пытались ее затащить сверху, мы толкали снизу, но никак не получалось. Издалека увидели приближающийся поезд. Я-то думал, что он остановится, но полицейский скомандовал положить женщину в лоток рельсов и самому ложиться». Поезд остановился прямо над людьми, и спасатели, и женщина не пострадали. #Москва #метро #красносельская #чп #упаланарельсы #герои #подвиг #спасли

A photo posted by Подвиги обычных людей (@100podvigov) on Feb 12, 2016 at 5:39am PST

Метро. Архив - Sputnik Кыргызстан
Москвада аялды өлүмдөн алып калган кыргыз жигиттин үй-бүлөсү Ошто турат
Кыргызстандык аны баарын көрүп туруп бири да жардамга келбестен, телефонго тартып жаткан москвалыктардын мамилеси таң калтырганын белгилейт. 

Окуядан кийин программист болуп иштеген Юлия Валь Склифосовский атындагы ооруканага баш мээси чайкалып жеткирилген. Полиция бөлүмү аялды куткарууга шашылган кызматкер сыйлыкка көрсөтүлө турганын билдирди.

Ал эми кыргызстандык жаран иштеген мекеме Исаевди сыйлоо боюнча маселени чечип жатканы белгилүү болду.

Жаңылыктар түрмөгү
0