БИШКЕК, 12-ноя. — Sputnik. Улуттук коопсуздук мамлекеттик кызматы өкмөттүн аппаратынын мурдагы жетекчиси кармалганын кабарлады.
Эскерте кетсек, жыштык сатуу боюнча ишти Аскер прокуратурасы менен УКМК иликтеп жаткан.
Анын негизинде Жазык-процесстик кодексинин 98-беренеси боюнча К.С.А. аттуу өкмөттүн аппаратынын мурдагы жетекчиси кармалып, УКМКнын убактылуу кармоочу жайына киргизилди.
Радиожыштык чыры
2020-жылдын 14-майында Мамлекеттик байланыш агенттигинин экс-жетекчиси Наталья Черногубова уюлдук операторлордун бири жана Байланыш комитетинин кызматкерлери менен жең ичинен сүйлөшүү жүргүзгөн деген шек менен кармалган. Андан кийин агенттиктеги коррупция иши боюнча беш адам колго түшүрүлгөн, арасында УКМКнын да кызматкерлери бар экени айтылган болчу.
Бакиевдин жакындарына жардам берген. Бишкекте мурдагы судья кармалды
20-майда депутат Жанар Акаев Жогорку Кеңеште өкмөт эки радиожыштыкты төмөн баада сатканын билдирген. Эл өкүлүнүн айтымында, мындай аракет премьер-министр Мухаммедкалый Абылгазиевдин кийлигишүүсү жок ишке ашмак эмес. Акаев келтирилген зыянды 5 миллиард сом деп баалаган. Эртеси Абылгазиев айыптоолорго жооп берип, тергөөгө басым жасады деген кинеден оолак болуу үчүн кыска мөөнөттүү эмгек өргүүгө чыккан.
12-июнда аталган иштин алкагында "Ала-ТВ" компаниясынын негиздөөчүсү кармалган (ушул компаниянын жыштыгы уюлдук операторго сатылганы айтылган).
15-июнда Абылгазиев бул ишке тиешеси жок экенин айтып, отставкага кеткен.
