Бишкекте топтошкон балдар кафени талкалоого аракет кылышты. Видео

© Sputnik / Табылды КадырбековСитуация в Бишкеке после ночных беспорядков
Ситуация в Бишкеке после ночных беспорядков  - Sputnik Кыргызстан
Жазылуу
Кечээ митингчилер Ак үйдү басып алгандан кийин күн бою "Ала-Тоо" аянтында жүрүп, түнкү саат 12лерге жакын кетишкен.

БИШКЕК, 7-окт. — Sputnik. Бишкек шаарында топтошкон балдар "Нават" чайханасын талкалоого аракет кылышты. Бул туурасында "Короче" Telagram каналына жазылды.

Кийинчерээк социалдык тармактарда элдик кошуун VEFA соода борбору менен "Нават" кафесине чабуул жасагандарды артка кайтарганын жазышууда. Ал эми кадрдан кафенин терезесин талкалап жатышканын көрүүгө болот.

Эске салсак, 5-октябрь күнү парламенттик шайлоонун жыйынтыгына нааразы болгон сегиз партия "Ала-Тоо" аянтына митингге чыккан. Кечке жуук чогулгандардын саны көбөйүп, таңга маал митингчилер Ак үйдү алышты. Көп өтпөй акция катышуучулары УКМКнын имаратын басып кирип, бир нече саат ичинде абакта жаткан мурдагы президент Алмазбек Атамбаев, мурдагы өкмөт башчылар Сапар Исаков, Жантөрө Сатыбалдиев, саясатчылар Садыр Жапаров, Равшан Жээнбеков, эртеси түштө Фарид Ниязов жана Бишкектин экс-мэри Албек Ибрагимов чыгарылган.

Жаңылыктар түрмөгү
0