04:29 19 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Көмүр шахтасы. Архив

Баткен: эки күндө көмүр казып жатып 6 адам көз жумду. Арасында бир туугандар бар

© Sputnik / Эмиль Садыров
Окуялар
Кыскача шилтеме алуу
139601

Кайгылуу окуянын бири ишембиде Сүлүктү шаарында, экинчиси жекшембиде Кадамжай районунда болгон. Каза болгондордун арасында үч бир тууган бар экени айтылды.

БИШКЕК, 6-окт. — Sputnik. Бүгүн Баткен облусунун Кадамжай районундагы Үч-Коргон айыл өкмөтүнүн "Боз" тилкесинде жайгашкан шахтада өз алдынча көмүр казып жаткан учурда газга ууланып үч киши каза болду. Бул туурасында ӨКМдин маалымат кызматы билдирди.

"Боз" тилкесиндеги шахтада 21, 42 жана 33 жаштагы үч эркек киши өз алдынча көмүр казып жаткан учурда газга ууланып каза тапкан. Окуя 6-октябрь күнү түш ченде  болгон", — деп айтып беришкен министрликтен.

Кырсык болгон жерге барган ӨКМдин 9 куткаруучусу каза болгондордун сөөгүн шахтанын түбүнөн чыгарып, Тез жардам кызматына өткөрүп берген.

Кечээ Сүлүктүдө үч бир тууган көз жумду

Бул эки күндөн берки көмүр казып жатканда адам каза болгон экинчи окуя. Биринчи кырсык кайрадан эле Баткен облусунда кечээ, 5-октябрда, катталган. Cүлүктү шаарында "Абдукахар кен" шахтасында газга ууланып, үч бир тууган каза болгон деген маалыматты ӨКМ тастыктады.

"ӨКМге аталган шахтада газ чыгып, адамдар уулангандыгы тууралуу маалымат келип түшкөн. Окуя болгон жерге алты куткаруучу барып, газга ууланган, абалы оор үч адамды шахтадан алып чыгып, медиктерге өткөрүп берген", — деп билдиришти министрликтен.

Алар Сүлүктү шаарындагы ооруканага жеткирилгени менен үчөө тең каза болуп калган. Маркумдардын 44, 42 жана 40 жаштагы бир туугандар экендиги айтылды.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Чоң Чүй каналына түшүп кеткен жигиттин сөөгү табылды
Автобустун алдында калган баланын өлүмү. Милиция каргашанын чоо-жайын айтты
Белгилер:
өлүм, көмүр, шахта, Кадамжай, Сүлүктү, Баткен облусу

ЭҢ МААНИЛҮҮ