06:04 15 Бештин айы 2019
Түз эфир
  • USD69.8482
  • EUR78.0693
  • RUB1.1166
ИИМ кызматкерлери. Архив

Эч кандай операция жүргөн эмес! Чек ара кызматы УКМКнын билдирүүсүн жокко чыгарды

© Sputnik / Табылды Кадырбеков
Окуялар
Кыскача шилтеме алуу
474 0 0

УКМКнын маалыматы боюнча, чыккан чырдын кесепетинен бир нече кызматкер жеңил жаракат алган. Чек ара кызматы өз версиясын айтты.

БИШКЕК, 28-сен. — Sputnik. Кыргыз-казак чек арасындагы “Чалдовар” өткөрүү пунктунда УКМК эч кандай операция жүргүзгөн эмес, ал эми чек араны кесип өткөн адам “машыгып” жаткан. Бул тууралуу Мамлекеттик чек ара кызматы билдирди.

Буга чейин укук коргоо органдарындагы ишенимдүү киши Sputnik Кыргызстан агенттигине Казакстан менен чектешкен жерде УКМКнын Коррупцияга каршы күрөшүү кызматынын атайын операциясы бирөөлөрдүн кол салганынан улам үзгүлтүккө учураганын айткан. Чыр-чатак тууралуу маалыматты Чүй облустук милициясы да тастыктаган.

УКМК чек араны мыйзамсыз кесип өтүүнүн алдын алуу боюнча чаралар көрүлүп, бирок жумуш маалында белгисиз адамдардын тобу аларды ташка алганын билдирген. Мекеменин бир нече кызматкери жеңил жаракат алганы да айтылган.

“28-сентябрь күнү болжол менен саат 1.30да УКМКнын кызматкерлери чек ара көзөмөлүнүн сапатын текшерүү үчүн өткөрүү пунктуна киришкен. Чек ара кызматы “мыйзам бузган кишини” кармап, андан соң УКМКчылар ыкчам аракеттерин көрүшкөн”, — деп айтылат маалыматта.

Саат 5ке чукул машыгуулар аяктагандан кийин УКМКчылар көзөмөл жайынан чыгып кетишкен. Бирок белгисиз адамдар менен чырдаша кетип, алар ташка алгандан кийин кайра бекетке кайтууга аргасыз болушкан.

“Эркектердин жоон тобу алардын артынан бекетке кирүүгө аракет кылышты. Чатактын уланып кетпеши үчүн чек арачылар бир нече жолу асманга карай ок чыгарышкан”, — дешти Чек ара кызматынан.

Ушу тапта аталган өткөрүү жайында абал турукташты. Эл, жүк жана унаалар кадимки режимде өткөрүлүп жатат.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

"Чалдовар" өткөрүү жайында УКМКнын атайын операциясы үзгүлтүккө учурады
Белгилер:
Чалдовар, ИИМ, иммунолог, УКМК, Мамлекеттик чек ара кызматы

ЭҢ МААНИЛҮҮ