09:26 17 Аяк оона 2019
Түз эфир
  • USD69.8099
  • EUR77.2028
  • RUB1.0937
Дарыя. Архивдик сурөт

Көкөмеренге кулаган унаа: аткаминердин жубайынын сөөгү табылды

CC0 / IK3
Окуялар
Кыскача шилтеме алуу
Көкөмеренге унаасы түшүп кеткен үй-бүлө (13)
1594 0 0

Автоунаасы менен дарыяга кулап, агып кеткен үй-бүлө мүчөлөрүн 10 күндөн бери издеп жатышкан.

БИШКЕК, 10-июл. — Sputnik. Автоунаасы менен Көкөмерен дарыясына кулап, агып кеткен Чүй облустук администрациясынын аппарат башчысы Молдакун Абдылдаевдин жубайы Тинатин Шадыканованын сөөгү табылды. Бул туурасында ӨКМден билдиришти.

Эскерте кетсек, кырсык 30-июнда саат 9.30дар чамасында Жайыл районунун Кызыл-Ой менен Кожомкул айылынын ортосунда болгон. Унаада Абдылдаев, жубайы, уулу, небереси жана айдоочусу болгон. Эки күндөн кийин аткаминер менен айдоочусунун сөөгүн суудан алып чыгышкан. 4-июлда кечинде 8 жаштагы небересинин сөөгүн табышкан.

Аткаминердин жубайы менен уулунун сөөгү 10 күндөн бери изделип жаткан.

"Бүгүн, 10-июлда, издөө иштерин жүргүзүү үчүн ӨКМден жалпы 102 куткаруучу тартылган. Саат 17:20да Арал айылынан эки чакырым алыстыктагы Көкөмерен дарыясынан аял кишинин сөөгү табылды. Издөө иштери уланууда", — деп айтылат маалыматта.

Тинатин Шадыканова эки жогорку билимдин ээси: биринчиси — кыргыз тили жана адабияты боюнча мугалим, экинчиси — юрист. Эмгек жолун бала бакчадан, жогорку окуу жайларында мугалим болуп баштаган. 2003-жылы жаңы ачылган Заманбап маалыматтык технологиялар жана билим берүү институтуна (ИСИТО) жумушка орношуп, жетектөөчү адис, бөлүм башчы, декан кызматтарын аркалаган. Акыркы кезде окуу иштери боюнча проректор болуп иштеп жаткан.

Тема:
Көкөмеренге унаасы түшүп кеткен үй-бүлө (13)

Тема боюнча

Көкөмеренге түшүп кеткен Абдылдаевдин үй-бүлөсүн 110 куткаруучу издеп жатат
Жалгыз уулу эле... Кырсык тооруган Абдылдаевдин үй-бүлөсүнүн таржымалы
Белгилер:
ӨКМ, сөөк, жубайлар, унаа, кырсык, Суу, Молдакун Абдылдаев

ЭҢ МААНИЛҮҮ