14:28 21 Баш оона 2019
Түз эфир
  • USD69.8030
  • EUR77.3278
  • RUB1.0452
Врач. Архивное фото

Батукаевден рак аныктап чыккан медиктерге башка айыптар да коюлууда

© Sputnik / Табылды Кадырбеков
Окуялар
Кыскача шилтеме алуу
Батукаевдин ишинин жанданышы (46)
907 0 0

Башкы прокурор отчёт берип жатып 2013-жылдагы иш кайра жанданганын айткан.

БИШКЕК, 4-май. — Sputnik. Ички иштер министрлиги криминалдык авторитет Азиз Батукаевдин абактан бошоп чыгышы боюнча жана камалган дарыгерлердин иши боюнча жаңы фактыларды ачыктады.

Эскерте кетсек, буга чейин Батукаевге рак диагнозун койгон онколог менен лабораториянын кызматкери кармалып, эки айга камакка алынган. Дал ушул илдеттин негизинде кылмышкер түрмөдөн чыгарылган.

ИИМдин маалыматында аталган иш боюнча Саламаттык сактоо министрлигинин кызматкери да шектүү катары өтүп жатканы, бирок ал камакка алына электиги айтылат. Ушул үч киши "коррупциялык иштерге барган, документтерди жасалмалаган" деп да айыпталууда.

Министрлик 2013-жылдын 23-апрелинде Жогорку Кеңештин депутаттык комиссиясынын чечими менен медициналык топ түзүлгөнүн эске салат. Анда Батукаевге коюлган диагноз жокко чыгарылып, фактылардын фальсификацияланышы көрсөтүлгөн.

Белгилей кетсек, Азиз Батукаевди 2006-жылдын 3-августунда Аламүдүн райондук соту 16 жыл 8 айга эркинен ажыраткан. Кылмышкер катуу тартиптеги колонияда жаза өтөп, мындан тышкары, мүлкү конфискацияланган. 2013-жылдын 9-апрелинде Батукаев оор илдетине байланыштуу мөөнөтүнөн мурда бошоп, Кыргызстандан чыгып кеткен. ИИМдин маалыматы боюнча, ушу тапта "курал-жарак сактаган" деп айыпталып Чечен Республикасынын абагында отурат.

Криминалдык авторитет боюнча иш кайра жанданганын 17-апрель күнү башкы прокурор Өткүрбек Жамшитов депутаттарга отчёт берип жатып айткан. Ошол учурда Жаза аткаруу мамлекеттик кызматын жетектеп турган азыркы депутат Зарылбек Рысалиев да суракка чакырылары маалым болгон.

Тема:
Батукаевдин ишинин жанданышы (46)

Тема боюнча

Текебаевдин иши кайра каралышы ыктымал. Жогорку соттун түшүндүрмөсү
Петербургда мекендештерин уурдаган деп эки кыргызстандык кармалды. Видео
Белгилер:
кылмышкер, сот, ИИМ, диагноз, рак, Азиз Батукаев

ЭҢ МААНИЛҮҮ