13:52 24 Жалган Куран 2019
Түз эфир
  • USD69.7419
  • EUR78.8293
  • RUB1.0936
Вандализм. Архивдик сүрөт

Ысык-Көл: көрүстөндөгү эстеликтерди талкалаган вандал изделүүдө. Сүрөт

© Sputnik / Вадим Жернов
Окуялар
Кыскача шилтеме алуу
219 0 0

Милиция ал жерде крест түрүндөгү 35 жыгачтын жана 2 мрамор эстеликтин талкаланганын аныктаган.

БИШКЕК, 12-янв. — Sputnik. Ысык-Көлдө христиандардын көрүстөнүндөгү эстеликтерди талкалагандарды милиция издеп жатат. Бул туурасында Ысык-Көл облустук милициянын маалымат кызматы билдирди.

11-январда саат 20.30дар чамасында Ананьево айылдык милиция пунктуна жергиликтүү тургундардан маалымат түшүп, христиандардын көрүстөнүндөгү эстеликтердин талкалаганы кабарланган.

Социалдык тармакта окуя болгон жерден сүрөттөр да жарыяланды.

Күбөлөрдүн көрсөтмөсүнө ылайык, 11-январда саат 16.00дөр чамасында Ананьево айылынын тургундары, чиркөө кызматкерлери жана кароолчусу көрүстөнгө келип жыгачтан жасалган бир нече эстеликтин сынып ар жерде жатканын көрүшкөн. Милиция ал жерде крест түрүндөгү 35 жыгач жана 2 мрамор эстеликтин талкаланганын аныктаган.

Жоруктар жөнүндөгү кодекстин 131-беренеси (Өлгөн адамдын денесин жана анын мүрзөсүн мазактоо) менен баштапкы тергөө башталды.

Вандалдар издөөгө алынды, иш Ысык-Көл облустук милиция көзөмөлүндө турат.

Тема боюнча

Ошто көрүстөндөгү элүүдөн ашуун эстеликти бузду делген киши кармалды
Бишкектеги инсталляцияны талкалаган киши изи сууй электе кармалды
Белгилер:
вандализм, көрүстөн, эстелик, Ысык-Көл

ЭҢ МААНИЛҮҮ