00:08 23 Үчтүн айы 2019
Түз эфир
  • USD69.7394
  • EUR79.2414
  • RUB1.0479
Баткен облусуна караштуу Кадамжай районундагы айылдардын биринде белгисиз адам аңчылык мылтыгы менен 23 жаштагы жигиттин бетине аткан

Баткенде айылдашын бетке аткан шектүү Казакстандан экстрадицияланды

© Фото / пресс-служба МВД КР
Окуялар
Кыскача шилтеме алуу
320 0 0

ИИМдин маалыматына караганда, шектүү айылдашын өлтүрүүнү пландап жүргөн.

БИШКЕК, 7-янв. — Sputnik. Оор кылмышка шектелген киши Казакстандан Кыргызстанга экстрадицияланды. Бул тууралуу ИИМдин маалымат кызматынан кабарлашты.

Билдирмеге караганда, Баткен облусуна караштуу Кадамжай районундагы айылдардын биринде белгисиз адам аңчылык мылтыгы менен 23 жаштагы жигиттин бетине аткан. 

Из Казахстана в Кыргызстан экстрадирован подозреваемый в совершении тяжкого преступления в Баткенской области
© Фото / пресс-служба МВД КР
Покушение на убийство в Баткене

"Окуя 2018-жылдын 26-августунда саат 02.00дөр чамасында болгон. Жабырлануучу оор жаракат алгандыктан милицияга көрсөтмө бере алган эмес", — деп айтылат маалыматта.

Кадамжай райондук ИИБдин кызматкерлери ошол эле райондун тургунун, акыркы мезгилде Москвада иштеп жүргөн 22 жаштагы кишини шектүү катары аныктаган.

Аталган факты боюнча Кылмыш жаза кодексинин 28-97-беренелери (адам өлтүрүүгө аракет жасоо) боюнча кылмыш иши козголгон.

Укук коргоочулар шектүү Казакстанда экенин жана Россиянын чек арасына жөнөп жатканы тууралуу маалыматка ээ болушкан. Оперативдик-издөө аракеттерине Казакстандын укук коргоочулары кошулуп, шектүүнү өткөн жылдын 28-августунда Уральск шаарынан кармашкан.

Тергөө учурунда шектүү айылдашын мурда эле өлтүрүүнү пландап жүргөнү аныкталган. Ошондой эле ал тоого бекитип койгон куралы дагы табылган. Учурда ал Оштогу СИЗОго киргизилип, тергөө амалдары аяктоо алдында турат.

Тема боюнча

Ошто 44 жаштагы киши жээнин бычактап өлтүрдү
Жети батирди бөлүшө албай түрмөгө түшкөн бир туугандар. Адвокат менен маек
Белгилер:
курал, аңчылык, кылмыш, адам өлтүрүү, Баткен
Колдонуу эрежелериПикирлер

ЭҢ МААНИЛҮҮ