02:24 26 Бугу 2020
Түз эфир
  • USD73.6468
  • EUR80.2603
  • RUB1.0246
Окуялар
Кыскача шилтеме алуу
219810

Бишкектин четиндеги Ленин айылындагы акча алмаштыруу жайы ишемби күнү таң эрте тонолгон.

БИШКЕК, 25-июн. — Sputnik. Ленин районундагы акча алмаштыруу жайына болгон кол салууда кылмышкерлер бир кишини жарадар кылышкан. Бул тууралуу Чүй облустук милициясынын маалымат кызматы билдирди.

23-июнда, ишемби күнү, саат 4:00дөр чамасында Аламүдүн РИИБине каракчылык боюнча билдирүү келип түшкөн. Окуя болгон жерге келген милиция кызматкерлери үч кылмышкер акча алмаштыруу жайына кирип барып, ал жактагыларды тапанча менен коркутуп, тоноп кеткенин аныктаган. Кылмышкерлер акчаны терезенин темир тосмосун трос менен жулуп алып кеткен. Укук коргоо органдары каракчылар кара түстөгү BMW X5 автоунаа менен окуя болгон жерден качып кеткен деп божомолдоп жатышат. 

Карактоо учуру видеого тартылып калып, интернетке жарыяланган.

"Белгисиз кишилер акча алмаштыруу жайынын үч кызматкерине күч колдонуп, 340 миң сом менен 2 миллион теңге алып кеткен. Учурда уурдалган сумма дагы такталууда. Кылмышкерлер кол салган учурда бир жаран көкүрөк тушка жана сол колуна ок жеген. Ага амбулатордук жардам берилди", — дешти милициядан.

Аталган факты боюнча Кылмыш жаза кодексинин "Каракчылык" беренеси боюнча кылмыш иши козголду. Кылмышкерлерди издөө аракеттери көрүлүүдө.

Тема боюнча

Баткенде сатуучунун 60 миңдей акчасын уурдоого шектелип эки аял кармалды
Шумдугуң кур!.. Бишкектин четиндеги акча алмаштыруу жайы көз көрүнөө тонолду
Белгилер:
милиция, издөө, акча алмаштыруу жайы, акча, карактоо, Бишкек

ЭҢ МААНИЛҮҮ