Түндө Бишкек-Нарын-Торугарт жолундагы кырсыктан үч киши каза тапты

© Sputnik / Владимир Сергеев / Медиабанкка өтүүЖолдогу автоунаа. Архив
Жолдогу автоунаа. Архив - Sputnik Кыргызстан
Жазылуу
Каза болгон үч кишинин экөө эркек, бирөө аял экендиги айтылды.

БИШКЕК, 31-май — Sputnik. Бишкек — Нарын — Торугарт унаа жолунун боюндагы Сары-Булак айылында эки автоунаа кагышып, үч киши каза тапты. Бул туурасында ӨКМдин маалымат кызматынан кабарлашты.

Бишкекте жол чийинден өспүрүмдү унаа коюп кетти. Видео, сүрөт - Sputnik Кыргызстан
Бишкекте жол чийинден өспүрүмдү унаа коюп кетти. Видео, сүрөт
Кырсык 30-майда саат 20:43дөр чамасына Бишкек — Нарын — Торугарт унаа жолунун 250-чакырымында болгон. Audi 100 жана Honda Fit үлгүсүндөгү автоунаа кагышкан.

ӨКМдин маалыматында каза болгон үч кишинин экөө эркек, бирөө аял экендиги айтылды. Андан сырткары, алты киши жарадар болгон.

Куткаруучулар жарадар болгондорду унаадан чыгарып, Тез жардам кызматкерлерине өткөрүп беришкен. Жабырлангандардын аты-жөнү жана крысык эмнеден болгондугу такталууда.

Буга чейин Бишкекте Toyota Ist жана Mercedes-Benz W222 үлгүсүндөгү унаалар сүзүшүп, наристе жабыркаган.

Жаңылыктар түрмөгү
0