00:38 07 Бештин айы 2019
Түз эфир
  • USD69.8490
  • EUR77.5883
  • RUB1.0962
Аалымдар кеңешинин төрагасы Абдышүкүр ажы Нарматовдун архивдик сүрөтү

Абдышүкүр ажы Нарматовдун үйүнө ууру кирип, баласы бутуна ок жеди

© Фото / Руслан Абдрахманов
Окуялар
Кыскача шилтеме алуу
1094932

Нарматовдун жашаган үйү Аламүдүн районунун Көк-Жар конушунда жайгашкан.

БИШКЕК, 6-май. — Sputnik. 3-май күнү таңга жуук Аалымдар кеңешинин төрагасы Абдышүкүр ажы Нарматовдун үйүнө уурулар кирүүгө аракет жасады. Бул туурасында Чүй облустук милициясынан билдиришти.

Маалыматка ылайык, окуянын кесепетинен Абдышүкүр ажынын баласы жаракат алган.

"Эки белгисиз адам короосуна кирип токтоп турган унаадан документтерди жана 8 миң сом акчаны алышкан. Андан соң үйдүн ичине кирүүгө жөнөшкөн. Ошол учурда Нарматовдун 21 жаштагы уулу ойгонуп калат да, чоочун кишилерди көрүп бирөөнүн артынан кууп жөнөгөн. Ошол маалда экинчиси ал жигитти белгисиз курал менен бутка аткан. Ок бутунан кыйгап өтүп, жабырлануучу олуттуу жаракат алган эмес. Ооруканага барып, медициналык жардам көрсөткөндөн кийин үйүнө чыккан", — деп билдиришти милициядан.

Абдышүкүр ажы Нарматовдун өзүнө эч ким тийген эмес. Анын жашаган үйү Аламүдүн районунун Көк-Жар конушунда жайгашкан. Окуя боюнча жабырлануучулар арыз жазып 164 (уурулук) жана 168-беренелер (Каракчылык) боюнча кылмыш иши козголду.

Тема боюнча

Мыкаачылык чектен ашканда. Кримдүйнө менен күрөшүүгө эрк жетеби?
ИИМ башчысы: Аида Салянованын инисинин өлүмү боюнча кылмыштын бети ачылды
Уктап жатсаң тоноп кетет. Ак-Жол айылын сызга отургузган табышмактуу уурулар
Нарматов Абдишүкүр Исламович — өмүр баяны
Белгилер:
каракчылык, милиция, оорукана, уурулук, Абдишүкүр Нарматов

ЭҢ МААНИЛҮҮ