12:33 18 Жетинин айы 2019
Түз эфир
  • USD69.8500
  • EUR76.9922
  • RUB1.0933
Сотрудник МЧС КР на месте крупного пожара на Ошском рынке в Бишкеке

"Ош" базарында түндө чыккан өрт 700 чарчы метрди жалмап кетти

© Sputnik / Табылды Кадырбеков
Окуялар
Кыскача шилтеме алуу
"Ош" базарындагы экинчи ири өрт (7)
773 0 0

Өрт тууралуу маалымат 101 кызматына түндө саат 21:06 да түшүп, ага өрт өчүрүүчү үч бригада тартылган.

БИШКЕК, 6-мар. – Sputnik. Борбор калаадагы "Ош" базарында чыккан өрт саат 00:40та толугу менен өчүрүлдү. Бул туурасында ӨКМдин маалымат кызматынан кабарлашты.

"Киев менен Бейшеналиева көчөлөрүнүн кесилишиндеги "Сейтек" базарынан чыккан өрт саат 00:40та толук өчүрүлгөн. Өрттүн кесепетинен эки кабаттуу имарат толугу менен жана кийим-кече, болжол менен 700 чарчы метр аянт күйгөн", — дешти министрликтен.

Базарда чыккан өрт тууралуу маалымат 101 кызматына саат 21:06 да түшүп, ага өрт өчүрүүчү үч бригада жөнөп кеткен.

Ош базарында чыккан өрт. Жалындын асмандан көрүнүшү
© Sputnik / Акылбек Батырбеков , Эмиль Садыров
ӨКМдин берген маалыматында тилсиз жоо соода-сатык кылган контейнерлерден чыккан. Аны өчүрүүгө кийинчерээк шаардык чарба департаментинин эми автоунаасы кошулган. Жалын саат 22:13тө чектелген.

Бул жылдын башынан бери аталган базарда чыккан экинчи ири өрт. Биринчиси 30-январь күнү эртең менен саат 9.40дар чамасында чыгып 3500 чарчы метрлик аянтты жалмаган. Тилсиз жоо менен күрөшүүгө 12 техника тартылган. Түшкө жуук өрт чектөөгө алынып, кечки саат 18.29да толугу менен өчүрүлгөн. ӨКМ кырсыктын кесепетинен "Сейтек" кичи базарындагы 108 күркө, "Берекет плюс" базарындагы 10 соода түйүнү күйүп кеткенин маалымдаган. Ал эми базар жетекчилиги өрттөнгөн жерде 250гө чукул адамдын соода түйүнү болгонун айтат.

Тема:
"Ош" базарындагы экинчи ири өрт (7)

Тема боюнча

"Ош" базарындагы ири өрт. Видео
"Ош" базарындагы ири өрт. Азыр эмне болуп жатат
"Ош" базары кайрадан өрттөнүп жатат
Белгилер:
тез жардам, Өрт, ӨКМ, Ош базары

ЭҢ МААНИЛҮҮ