04:22 19 Теке 2019
Түз эфир
  • USD69.6500
  • EUR78.2796
  • RUB1.1086
Архивное фото вице-премьер-министра по силовому блоку Темира Джумакадырова

Вице-премьер Темир Жумакадыров жол кырсыгынан каза болду

© Пресс-служба президента КР / Султан Досалиев
Окуялар
Кыскача шилтеме алуу
Темир Жумакадыров каза болгон жол кырсыгы (33)
277503

Жол кырсыгы Садовое айылында болгон.

БИШКЕК, 7-окт. — Sputnik. Вице-премьер-министр Темир Жумакадыров жол кырсыгына кабылып каза тапканын укук коргоо органдарындагы булак тастыктады.

Маалыматка ылайык, кырсык бүгүн эртең менен саат 7.45те Бишкек — Кара-Балта жолунда Москва районунун Садовое айылында болгон. Вице-премьер бараткан жол тандабас жүк ташуучу унаа менен кагышкан. Жумакадыров менен бирге анын жардамчысы жана айдоочусу да набыт болгон.

ӨКМдин маалымат кызматы кырсык болгонун тастыктап, унаадан үч кишини алып чыгышканын, анын экөө мерт болгонун айтты.

Ал эми Кайгуул милициясынан үч адамдын каза болгонун маалымдашты. 

Өкмөттүн маалымат кызматы тараткан билдирүүгө ылайык, жол кырсыгы 7:30дар чамасында катталып, вице-премьер бараткан Toyota Land Cruiser автоунаасы КамАЗ үлгүсүндөгү машина менен кагышкан. Андан сырткары, Жумакадыров менен чогуу каза болгон жардамчысынын аты Нурлан Жамгырчиев.

Темир Жумакадыров буга чейин Коопсуздук Кеңешинин катчысы болуп иштеп келген.

Темир Жумакадыров жана анын жардамчысы менен айдоочусу каза болгон жол кырсыгы тууралуу акыркы маалыматтарды Sputnik Кыргызстан агенттигинин тексттик трансляциясынан окуңуздар>>

Тема:
Темир Жумакадыров каза болгон жол кырсыгы (33)

ЭҢ МААНИЛҮҮ